સુરતઃ ભાજપના પૂર્વ નેતા જયંતિ ભાનુશાળીનો એક કથિત વીડિયો વાઈરલ થયો હતો. વીડિયોમાં ભાનુશાળી એક યુવતિ સાથે જોવા મળ્યો હતો. ત્યારબાદ સુરતની યુવતીએ જયંતિ ભાનુશાળી પર દુષ્કર્મનો આરોપ લગાવ્યો હતો. જેમાં પીડિતાએ જણાવ્યું હતું કે તેની સાથે એડમિશન આપવાના બહાને દુષ્કર્મ આચરવામાં આવ્યું હતું. ત્યારબાદ તેનું શારીરિક શોષણ કર્યું અને ક્લિપ બનાવી. ત્યારબાદ પીડિતાના પતિએ આ સમગ્ર મામલે પ્રેસ કોન્ફરન્સ યોજી હતી. જેમાં તેણે પૂર્વ MLA છબીલ પટેલ પર પણ આક્ષેપ કર્યા હતા.
પીડિતાના પૂર્વ પતિએ આક્ષેપ કર્યા હતા કે પીડિતાને છૂટાછેડા આપવા માટે છબીલ પટેલ નામના રાજકીય નેતાનો ફોન આવ્યો હતો. ધમકી આપી હતી કે મહિલાને છૂટાછેડા નહીં આપે તો જેલમાં મોકલી દઈશ. પરિવારને હેરાન પરેશાન કરવાની ધમકી આપી હતી. જેથી તેને છૂટાછેડા આપ્યા હોવાનું જણાવ્યું. જોકે પીડિતાના પૂર્વ પતિના આક્ષેપમાં ખરા છે કે ખોટા તે તો તપાસ બાદ જ સામે આવી શકે છે.
છબીલ પટેલ પર શું આરોપ?
પીડિતાના પૂર્વ પતિએ છબીલ પટેલ પર આક્ષેપ કર્યા છે. છબીલ પટેલ અબડાસાના પૂર્વ ધારાસભ્ય રહી ચૂક્યા છે. કચ્છમાં કોંગ્રેસમાંથી ધારાસભ્ય તરીકે ચૂંટાયા હતા. 2014માં લોકસભાની ચૂંટણી પછી ભાજપમાં જોડાયા હતા. પીડિતાના પતિએ છબીલ પટેલ પર આરોપ લગાવ્યા છે. પીડિતાથી છૂટછેડા લેવા તેના પતિને દબાણ કરતા હતા તેવો આક્ષેપ લગાવ્યો છે. છબીલ પટેલ આ કેસમાં કેવી રીતે આવ્યા તે આશ્ચર્યની વાત છે. પૂર્વ પતિના ખુલાસા પછી છબીલ પટેલ પર સવાલ થઇ રહ્યા છે.
આ પીડિતા જ ભાનુશાળી સામે આરોપ લગાવી ચુકી છે. ભાનુશાળીના હવસનો શિકાર થયાના આરોપ છે. હવે પૂર્વ પતિએ ભાનુશાળીનો બચાવ કરતા અનેક સવાલો ઉપજે છે. શું છબીલ પટેલ હવે ભાજપમાંથી આપશે રાજીનામુ? પૂર્વ પતિ છબીલ પટેલને જાણતો નથી પરંતુ આરોપ લગાવે છે. હવે છબીલ પટેલને માટે આ કેસ સાપનો ભાર થયો છે. ભાનુશાળી અને છબીલ પટેલ રાજકીય સ્પર્ધક છે. બંન્ને એક જ જિલ્લામાં કામ કરે છે.