IPLIN
 
  • Home
  • Politics
  • India
  • Presidential election voting today NDA draupadi murmu yashwant sinha candidate

મતદાન / રાષ્ટ્રપતિ ચૂંટણીમાં દ્રોપદી મુર્મૂ અને યશવંત સિન્હા વચ્ચે જંગ, ખુલ્લેઆમ ક્રોસ વોટિંગ, તમામ પાર્ટીમાં તિરાડ

Team VTV 02:15 PM, 18 Jul 22 | Updated: 03:59 PM, 18 Jul 22
Follow us
Presidential election voting today NDA draupadi murmu yashwant sinha candidate

આજે દેશના રાષ્ટ્રપતિની ચૂંટણી માટે મતદાન શરૂ થઈ ગયુ છે. જેમાં NDA તરફથી ઉમેદવારી દ્રૌપદી મુર્મૂએ નોંધાવી છે, જ્યારે વિપક્ષ તરફથી યશવંત સિન્હાએ ઉમેદવારી નોંધાવી છે.

  • રાષ્ટ્રપતિ ચૂંટણી માટે આજે મતદાન
  • દ્રૌપદી મુર્મુ છે NDAના રાષ્ટ્રપતિ પદના ઉમેદવાર
  • વિપક્ષે યશવંત સિન્હાને બનાવ્યા છે ઉમેદવાર
  • 21 જૂલાઇએ મતગણતરી હાથ ધરવામાં આવશે
  • 25 જૂલાઇએ નવા રાષ્ટ્રપતિ લેશે શપથ

રાષ્ટ્રપતિ ચૂંટણી માટે આજે મતદાન

દેશમાં 15માં રાષ્ટ્રપતિ ચૂંટણી માટે આજે મતદાન શરૂ થઈ ગયું છે.આ ચૂંટણીમાં NDA તરફથી દ્રોપદી મુર્મૂ અને વિપક્ષના યશવંત સિન્હા મેદાનમાં છે. 21 જુલાઈએ મતગણતરી બાદ જાણ થશે કે આગામી રાષ્ટ્રપતિ કોણ હશે.

આસામમાં  ક્રોસ વોટિંગ!

AIUDF ધારાસભ્ય કરીમુદ્દીન બરભુઈયાએ દાવો કર્યો છે કે આસામમાં કોંગ્રેસના ધારાસભ્યોએ ક્રોસ વોટિંગ કર્યું છે. કરીમુદ્દીનના મતે કોંગ્રેસે રવિવારે મતદાન બોલાવ્યું હતું. માત્ર 2-3 ધારાસભ્યો જ પહોંચ્યા હતા. બેઠકમાં માત્ર જિલ્લા પ્રમુખ જ પહોંચ્યા હતા. તેના પરથી સ્પષ્ટ થાય છે કે કોંગ્રેસના ધારાસભ્યોએ ક્રોસ વોટિંગ કર્યું હતું. એટલું જ નહીં, તેમણે દાવો કર્યો કે કોંગ્રેસના 20 થી વધુ ધારાસભ્યોએ ક્રોસ વોટિંગ કર્યું. તેણે કહ્યું, પરિણામમાં તમને નંબર ખબર પડશે.  

ઓડિશા- કોંગ્રેસના ધારાસભ્યએ કહ્યું- અંતરાત્માનો અવાજ સાંભળ્યો

ઓડિશાના કોંગ્રેસના ધારાસભ્ય મોહમ્મદ મુકીમે કહ્યું કે, તેઓ કોંગ્રેસના ધારાસભ્ય છે. પરંતુ તેમણે એનડીએના ઉમેદવાર દ્રૌપદી મુર્મુને મત આપ્યો. તેણે કહ્યું, આ મારો અંગત નિર્ણય છે, મેં મારા અંદરના અવાજને સાંભળ્યો, જેણે મને મારી માટી માટે કંઈક કરવાનું કહ્યું. તેથી જ મેં દ્રૌપદી મુર્મુને મત આપ્યો. જો કે, એવું કહેવામાં આવી રહ્યું છે કે ઓડિશામાં કોંગ્રેસ પ્રદેશ અધ્યક્ષ ન બનાવવાને કારણે મુકિમ નારાજ છે.

ગુજરાતમાં પણ ક્રોસ વોટીંગ થયું

દેશમાં હાલ રાષ્ટ્રપતિના પદની ચૂંટણી માટે મતદાન ચાલી રહ્યું છે.ત્યારે ગુજરાતમાં પ્રથમ ક્રોસ વોટીંગ થયુ છે. NCP ધારાસભ્ય કાંધલ જાડેજાએ NDA ઉમેદવારને વોટ આપ્યો છે.

કેન્દ્રીય મંત્રી હરદીપસિંહ પુરી, પ્રકાશ જાવડેકર સહિત દિગ્ગજ નેતાઓ કર્યુ મતદાન  

યશવંત સિંહા પર શિવપાલ સિંહ કર્યો કટાક્ષ

નેતાજી(મુલાયમ યાદવ)ને ISIના એજન્ટ કહેવાવાળાને (વિપક્ષના રાષ્ટ્રપતિ પદના ઉમેદવાર યશવંત સિંહા)નું અમે ક્યારે સમર્થન નહીં કરીએ. શિવપાલ સિંહ યાદવ, PSP

ફારૂક અબ્દુલ્લા, પી.ચિદંબરમ,રાઘવ ચઢ્ઢા, હરભજનસિંહે રાષ્ટ્રપતિની ચૂંટણી માટે કર્યું મતદાન

રક્ષામંત્રી રાજનાથસિંહ, કેન્દ્રીય કાયદામંત્રી,કોંગ્રેસના સાંસદ રણદીપ સુરજેવાલાએ પણ કર્યુ મતદાન 

ગૌતમ ગંભીર, જયા બચ્ચન અને ગજેન્દ્ર સિંહ શેખાવતે રાષ્ટ્રપતિની ચૂંટણી માટે કર્યું મતદાન

દ્રૌપદી મુર્મૂ ઐતિહાસિક સંખ્યા સાથે ચૂંટણી જીતશેઃ બ્રજેશ પાઠક

ઉત્તર પ્રદેશના ડેપ્યુટી CM બ્રજેશ પાઠકે રાષ્ટ્રપતિની ચૂંટણી માટે વોટ આપ્યો હતો. અને જણાવ્યું હતું કે, દ્રૌપદી મુર્મૂ ઐતિહાસીક લીડથી રાષ્ટ્રપતિની ચૂંટણી જીતશે. તમામ પ્રતિનિધીઓએ એક આદિવાસી મહિલાને રાષ્ટ્રપતિ બનાવવાનો નિર્ણય લીધો છે. તેમનું દરેક લોકો સમર્થન કરી રહ્યાં છે   

આસામના CM  હિમંત બિસ્વા સરમાએ વિધાનસભામાં મતદાન કર્યું

છત્તીસગઢના CM ભૂપેશ બઘેલે રાયપુરમાં મતદાન કર્યું

રાષ્ટ્રપતિની ચૂંટણી માટે કેન્દ્રીયમંત્રી નિતિન ગડકરી અને સ્મૃતિ ઈરાને વોટ આપ્યો

રાજભરે કહ્યું- 'દિલ્હીની સત્તાનો રસ્તો લખનૌમાંથી પસાર થાય છે'

સુભાસપાના ચીફ ઓમ પ્રકાશ રાજભરે પણ રાષ્ટ્રપતિની ચૂંટણીમાં પોતાનો મત આપ્યો હતો. તેમણે કહ્યું કે, દિલ્હીમાં સત્તાનો રસ્તો લખનૌમાંથી પસાર થાય છે. દ્રૌપદી મુર્મુ ભારે માર્જિનથી ચૂંટણી જીતી રહી છે.

રાષ્ટ્રપતિ ચૂંટણી માટે હરિયાણાના CMએ પણ આપ્યો પોતાનો મત

અખિલેશ કહ્યું મારો વોટ યશવંત સિન્હાને  

સપા પ્રમુખ અખિલેશ યાદવે પણ રાષ્ટ્રપતિની ચૂંટણી માટે પોતાનો મત આપ્યો. જોકે, તે પહેલા તેણે કહ્યું કે, તે યશવંત સિંહાને વોટ આપશે. તેમણે કહ્યું, દેશમાં કોઈ એવું હોવું જોઈએ જે સરકારને સમય સમય પર જણાવે કે દેશની આર્થિક સ્થિતિ કેવી છે. શ્રીલંકાની સ્થિતિ જોવાની જરૂર છે.

RJDના તેજસ્વી યાદવે રાષ્ટ્રપતિની ચૂંટણી માટે મતદાન કર્યુ 

આરજેડી ધારાસભ્ય તેજસ્વી યાદવે કહ્યું, 'આ દેશમાં અરાજકતાની સ્થિતિ છે. લોકશાહી માટે ખતરો છે. બંધારણીય સંસ્થાઓનો મોટા પાયે દુરુપયોગ થઈ રહ્યો છે. અમે એવા રાષ્ટ્રપતિ ઈચ્છીએ છીએ જે આની તપાસ કરે. આપણા PM યુવાનો કે ખેડૂતોના મુદ્દાઓ પર પણ ચર્ચા કરતા નથી.

તિરુવનંતપુરમના સીએમ પિનારાઈ વિજયને મતદાન કર્યુ

મુખ્યમંત્રી અરવિંદ કેજરીવાલે પણ રાષ્ટ્રપતિની ચુંટણી માટે મતદાન કર્યું

રાષ્ટ્રપતિની ચૂંટણી માટે ગોવાના મુખ્યમંત્રી પ્રમોદ સાવંતે પણજીમાં કર્યુ મતદાન  

CM પ્રમોદ સાવંત કહ્યું કે, ગોવામાં રાષ્ટ્રપતિની ચૂંટણી માટે 100% મતદાન થશે અને અમને આશા છે કે દ્રૌપદી મુર્મુજીને વધુમાં વધુ વોટ મળશે

રાષ્ટ્રપતિની ચૂંટણી માટે પૂર્વ PM મનમોહનસિંહે કર્યું મતદાન  

ભાજપના સાંસદ હેમામાલિનીએ રાષ્ટ્રપતિ પદ માટે કર્યુ મતદાન 

પંજાબ અને હરિયાણા ધારાસભ્યોએ વોટ આપ્યો 

હિમાચલ પ્રદેશના CM જયરામ ઠાકુરે પણ રાષ્ટ્રપતિની ચૂંટણી માટે મતદાન કર્યુ

આસામ સરકારના મંત્રીની અપીલ-રાજકારણથી ઉપર ઊઠીને આદિવાસી ઉમેદવારને મત આપો

દેશમાં પ્રથમવાર કોઈ આદિવાસીને આ પ્રકારનું સ્થાન આપવામાં આવ્યું છે. મને આશા છે કે અહીંની રાજનીતિમાંથી બહાર આવ્યા બાદ તમામ દ્રૌપદી મુર્મુજીને મત આપશે. હું મારો મત દ્રૌપદી મુર્મુને જ આપીશ: સંજય કિશન, આસામ મંત્રી, ગુવાહાટી

કેન્દ્રીય ગૃહમંત્રી અમિત શાહ અને નડ્ડાએ મતદાન કર્યું

કેન્દ્રીય ગૃહમંત્રી અમિત શાહ અને ભાજપના રાષ્ટ્રીય અધ્યક્ષ જે.પી.નડ્ડાએ રાષ્ટ્રપતિની ચૂંટણી માટે પોતાનો મત આપ્યો.

મહારાષ્ટ્રના મુખ્યમંત્રી એકનાથ શિંદેએ રાષ્ટ્રપતિની ચૂંટણી માટે પોતાનો મત આપ્યો.

અનુરાગ ઠાકુરે કર્યું મતદાન

રાષ્ટ્રપતિની ચૂંટણી વચ્ચે યશવંત સિન્હાનું મોટુ નિવેદન

વિપક્ષના રાષ્ટ્રપતિ પદના ઉમેદવાર યશવંત સિંહાએ કહ્યું  હું માત્ર રાજકીય લડાઈ લડી રહ્યો નથી પરંતુ સરકારી એજન્સીઓ સામે પણ લડી રહ્યો છું. તેઓ ખૂબ શક્તિશાળી બની ગયા છે,  પક્ષો તોડી રહ્યા છે, લોકોને તેમના માટે મત આપવા દબાણ કરી રહ્યા છે. આમાં પૈસાની રમત પણ સામેલ છે 

રાષ્ટ્રપતિ ચૂંટણી માટે સીએમ અશોક ગેહલોતે જયપુરમાં કર્યું મતદાન

રાષ્ટ્રપતિ ચૂંટણી માટે પીએમ મોદીએ કર્યું મતદાન

રાષ્ટ્રપતિ ચૂંટણી માટે સીએમ યોગીએ કર્યું મતદાન

તમિલનાડૂના સીએમ સ્ટાલિને કર્યું મતદાન

ગુજરાત સીએમ ભૂપેન્દ્ર પટેલે કર્યું મતદાન

તેમણે કહ્યું કે, આ ચૂંટણી ભાજપમાં ખુબ જ જરૂરી કોર્સ કરેક્શનનો આખરી મોકો છે. મારી ચૂંટણીમાં તમે દેશની લોકશાહીને બચાવો. આ ચૂંટણી 2 ઉમેદવારો વચ્ચેની નથી, પરંતુ આ 2 વિચારધારાઓની ચૂંટણી છે, જેનું અમે પ્રતિનિધિત્વ કરીએ છીએ. મારી વિચારધારા ભારતનું બંધારણ છે અને મારા પ્રતિસ્પર્ધી તે તાકાતોનું પ્રતિનિધિત્વ કરે છે, તેમની વિચારદારા અને એજન્ડા બંધારણ બદલવાનો છે.

રાષ્ટ્રપતિની ચૂંટણીમાં 776 સાંસદ અને 4120 ધારાસભ્ય કરશે મતદાન

મુખ્ય ચૂટંણી કમિશનર રાજીવ કુમારે કહ્યું હતું કે રાષ્ટ્રપતિની ચૂંટણીમાં 76 સાંસદ અને 4120 ધારાસભ્ય કરશે મતદાન કરશે.

રાષ્ટ્રપતિ રામનાથ કોવિંદનો કાર્યકાળ 24 જુલાઈએ પૂરો થઈ રહ્યો છે 

મહત્વનું છે કે, રાષ્ટ્રપતિ રામનાથ કોવિંદનો કાર્યકાળ 24 જુલાઈ 2022ના રોજ સમાપ્ત થઈ રહ્યો છે. તે પહેલા દેશના આગામી અને 15માં રાષ્ટ્રપતિની પસંદગી કરવામાં આવશે. છેલ્લા 45 વર્ષથી આ તારીખે ચૂંટાયેલા પ્રમુખ પદ પર બિરાજમાન છે. છેલ્લે 17 જુલાઈ, 2017ના રોજ રાષ્ટ્રપતિની ચૂંટણી યોજાઈ હતી.

કોઈ રાજકીય પક્ષના વ્હીપને મંજૂરી નહીં

રાજીવ કુમારે એવું પણ કહ્યું કે ચૂંટણી માટે કોઈ પણ રાજકીય પક્ષના વ્હીપની મંજૂરી નહીં આપવામાં આવે.

રાષ્ટ્રપતિની ચૂંટણીમાં કોણ મતદાન કરી શકે અને કોણ ન કરી શકે

દેશમાં રાષ્ટ્રપતિની ચૂંટણીમાં લોકો મત આપી શકતા નથી. રાષ્ટ્રપતિની ચૂંટણીમાં નામાંકિત સભ્યો અને વિધાન પરિષદના સભ્યોને મત આપવાનો અધિકાર નથી.જો કોઈ રાજ્યના મુખ્યમંત્રી વિધાન પરિષદના સભ્ય હોય તો તેઓ રાષ્ટ્રપતિની ચૂંટણીમાં મત આપી શકતા નથી. રાષ્ટ્રપતિની ચૂંટણીમાં સિંગલ ટ્રાન્સફરેબલ વોટ સિસ્ટમ દ્વારા મતદાન થાય છે. એટલે કે રાજ્યસભા, લોકસભા અને વિધાનસભાના સભ્ય સમાન મત આપી શકે છે. આ ઉપરાંત તમામ રાજ્યોની વિધાનસભાના સભ્યો પણ રાષ્ટ્રપતિની ચૂંટણી માટે મતદાન કરે છે. તેમાં કેન્દ્ર શાસિત પ્રદેશ દિલ્હી અને પુડુચેરીની વિધાનસભાના સભ્યો પણ સામેલ છે.

કોણ છે દ્રોપદી મુર્મૂ ?

દ્રોપદી મુર્મૂએ ઓડિશાના કાઉન્સિલર બનવાની સાથે રાજકીય જીવનની શરૂઆત કરી હતી. 20 જૂન 1958ના જન્મેલા દ્રોપદી મુર્મૂ ઓડિશામાં ભારતીય જનતા પાર્ટી અને બીજૂ જનતા દળ ગઠબંધન સરકાર દરમિયાન 2000-2002 સુધી વાણિજ્ય અને પરિવહન માટે સ્વતંત્ર પ્રભાર અને 6 ઓગસ્ટ 2002થી મે સુધી મત્સ્ય પાલન અને પશુ સંસાધન વિકાસ રાજ્ય મંત્રી હતા. તેઓ વર્ષ 2000થી 2004માં ઓડિશાના પૂર્વ મંત્રી અને રાયરંગપુર વિધાનસભાથી ધારાસભ્ય હતા. તેઓ ઝારખંડના પ્રથમ મહિલા રાજ્યપાલ પણ બન્યા હતા. તો રાજ્યપાલ પદે પહોંચનારા ઓડિશાના પ્રથમ મહિલા અને આદિવાસી નેતા રહ્યાં છે. તો ચૂંટાયા બાદ દ્રૌપદી મુર્મૂ ભારતના પ્રથમ આદિવાસી રાષ્ટ્રપતિ અને બીજા મહિલા રાષ્ટ્રપતિ બનશે. આ સિવાય તે ઓડિશાથી પ્રથમ રાષ્ટ્રપતિ પણ હશે. 

કોણ છે યશવંત સિન્હા ?

યશવંત સિન્હા ભારતીય રાજકારણી અને ભાજપના ભૂતપૂર્વ વરિષ્ઠ નેતા હતા. બાદમાં તેઓ તૃણમૂલ કોંગ્રેસના નેતા હતા, જેમાંથી તેમણે રાજીનામું આપ્યું હતું. યશવંત સિન્હા વર્ષ 1960માં ભારતીય વહીવટી સેવામાં જોડાયા હતા. તેમના કાર્યકાળ દરમિયાન ઘણા મહત્વપૂર્ણ હોદ્દા પર રહીને સેવામાં 24 વર્ષથી વધુ સમય વિતાવ્યો હતો. 4 વર્ષ સુધી તેમણે સબ-ડિવિઝનલ મેજિસ્ટ્રેટ અને જિલ્લા મેજિસ્ટ્રેટ તરીકે સેવા આપી. બિહાર સરકારના નાણા મંત્રાલયમાં અન્ડર સેક્રેટરી અને ડેપ્યુટી સેક્રેટરી રહ્યા પછી, તેમણે ભારત સરકારના વાણિજ્ય મંત્રાલયમાં નાયબ સચિવ તરીકે કામ કર્યું હતું.

યશવંત સિન્હા અટલ બિહારી વાજપેયીની સરકારમાં કેન્દ્રીય મંત્રી રહી ચુક્યા છે 

વર્ષ 1989માં જનતા દળની રચના પછી તેઓ પાર્ટીના રાષ્ટ્રીય મહાસચિવ તરીકે નિયુક્ત થયા હતા. તેમણે ચંદ્ર શેખરની કેબિનેટમાં નવેમ્બર 1990થી જૂન 1991 સુધી નાણાંપ્રધાન તરીકે સેવા આપી હતી. યશવંત સિંહા અટલ બિહારી વાજપેયીના નેતૃત્વવાળી એનડીએ સરકારમાં કેન્દ્રીય નાણા મંત્રી અને પછી વિદેશ મંત્રી રહી ચુક્યા છે. 2021માં તૃણમૂલ કોંગ્રેસમાં જોડાતા પહેલા તેણે 2018માં ભાજપ છોડી દીધી હતી. ગયા વર્ષે વિધાનસભાની ચૂંટણી પહેલા તેમને પાર્ટીના રાષ્ટ્રીય ઉપાધ્યક્ષ તરીકે નિયુક્ત કરવામાં આવ્યા હતા.

Draupadi Murmu Yashwant Sinha presidential election NDA Voting દ્રોપદી મુર્મૂ યશવંત સિન્હા રાષ્ટ્રપતિ ચૂંટણી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ