રશિયા / પુટિને કહ્યું હવે કોઈ રિપોર્ટ નહીં સીધી રસી આપો, આવતા અઠવાડિયાથી કરાશે શરૂ

• કોરોના રસીને લઈને એક જ દિવસમાં બીજા સારા સમાચાર
• રાષ્ટ્રપતિ વ્લાદિમીર પુટિનનો આદેશ, મોટા પ્રમાણમાં આપવામાં આવશે કોરોના વેક્સિન
• પુટિને કહ્યું હવે કોઈ રિપોર્ટ નહીં સીધી રસી આપો, આવતા અઠવાડિયાથી કરાશે શરૂ

પુટિને નાયબ વડા પ્રધાન તાતિયા ગોલીકોવાને કહ્યું કે તમે મને આવતા અઠવાડિયે કોઈ રિપોર્ટ નહીં આપો પરંતુ આખા દેશમાં રસીકરણ શરૂ કરી દેશો. ઉલ્લખનીય છે કે એક નહીં કે બે-બે કોરોના વાયરસ રસી બનાવ્યા પછી પણ, રશિયામાં કોરોના વાયરસના કેસોમાં સતત વધારો થતો જાય છે.

રશિયાએ બે-બે રસીઓ શોધી છે

11 ઓગસ્ટના રોજ, રશિયાના રાષ્ટ્રપતિ વ્લાદિમીર પુટિને વિશ્વની પ્રથમ કોરોના વાયરસ રસી સ્પુટનિક-V બનાવવાનો દાવો કર્યો હતો. ત્યારબાદ, ઑક્ટોબરમાં, પુટિને ‘EpiVacCorona’ ના પ્રારંભિક ટ્રાયલ પછી બીજી કોરોના રસીને મંજૂરી આપી. સ્પુટનિક-V રસી પર, પુટિને પણ દાવો કર્યો હતો કે તેનાથી પુન રિકવરીની ગતિ વધી છે અને તેમની પુત્રીને પણ ડોઝ આપવામાં આવ્યો છે.

આ બાજુ બ્રિટન પણ આવતા અઠવાડિયાથી રસીકરણ શરૂ કરશે

યુનાઈટેડ કિંગ્ડમમાં ફાઈઝર-બાયોએનટેકની કોરોના વાયરસની રસીને મંજૂરી આપી દેવામાં આવી છે.  અમેરિકા અને યુરોપિયન યુનિયન બાદ હવે આ કંપનીને વેક્સિનને મંજૂરી આપનાર યુનાઈટેડ કિંગ્ડમ પહેલો પશ્ચિમ દેશ અને આ રસી ખૂબ જલ્દી બ્રિટનમાં ઉપલબ્ધ કરાવવામાં આવશે. 

થોડા દિવસ પહેલા જ ફાઈઝર કંપનીએ જાહેરાત કરી હતી કે તે કોરોના વાયરસની રસી શોધવામાં સફળ રહ્યા છે અને આટલું  જ નહીં કંપનીનો દાવો છે કે આ રસી 96 ટકા અસરકારક છે. 

બ્રિટને અગાઉ જ ફાઈઝરને ઓર્ડર આપી દીધો છે

નોંધનીય છે કે ફાઈઝર અમેરિકા જ્યારે બાયોએનટેક જર્મનીની બાયોફાર્માસ્યુટિકલ કંપની છે જે કોરોના વાયરસની રસી પર કામ કરી રહ્યા હતા. ગઈકાલે જ તેમણે પોતાની રસીની નોંધણી માટે યુરોપિયન યુનિયન સામે વેક્સિન રજીસ્ટ્રેશનમાં અરજી કરી હતી.