મુલાકાત / PM બન્યા બાદ પ્રથમ વખત અમેરિકા જશે ઇમરાન ખાન

પાકિસ્તાનના પીએમ ઇમરાન ખાન અને અમેરિકાના રાષ્ટ્રપતિ વચ્ચે યોજાનારી આ મુલાકાતમાં શાંતિ, સ્થિરતા અને આર્થિક સમૃદ્ધિ જેવા વિષય પર ચર્ચા કરવામાં આવશે. પાકિસ્તાનના વડાપ્રધાન બન્યા બાદ ઇમરાન ખાનનો આ પહેલો અમેરિકાનો પ્રવાસ છે.
 

We wish to caution against speculation about PM’s visit. We are in close contact with the U.S. side. As per practice, formal announcements are made at the appropriate time.

— Dr Mohammad Faisal (@ForeignOfficePk) July 10, 2019

આ અગાઉના દિવસે વિદેશ કાર્યાલયના પ્રવક્તા ડો મોહમ્મદ ફેસલે વડાપ્રધાન ઇમરાન ખાનના અમેરિકાના પ્રવાસને લઇને ટવિટ કર્યું હતું. વિદેશ કાર્યાલયના પ્રવક્તાએ જણાવ્યું હતું કે પીએમ ઇમરાન ખાનના અમેરિકાના પ્રવાસને લઇને અમે સતત અમેરિકાના અધિકારીઓના સંપર્કમાં છીએ. પ્રોટોકોલને લઇને સાચા સમયે પ્રવાસ અંગેની સત્તાવાર જાહેરાત કરવામાં આવશે.

ઉલ્લેખનીય છે કે પાકિસ્તાનના મીડિયામાં સતત આ મુદ્દા પર અહેવાલ પ્રકાશિત થઇ રહ્યાં હતા. જેમાં અમેરિકાના અધિકારીઓ દ્વારા પાકિસ્તાનના પીએમના પ્રવાસ અંગે કોઇ પુષ્ટી કરવામાં આવી નથી.

જો કે આ અગાઉ પાકિસ્તાનના વિદેશ મંત્રીએ ગત મહિને જણાવ્યું હતું કે અમેરિકાના રાષ્ટ્રપતિ ડોનાલ્ડ ટ્રમ્પે જૂનમાં પીએમ ઇમરાન ખાનને આમંત્રણ મોકલ્યું હતું, પરંતુ બજેટ સત્રના કારણે આ પ્રવાસ થઇ શક્યો નહોતો.