અમદાવાદ / મોટેરા સ્ટેડિયમના ઉદ્ઘાટન માટે રાષ્ટ્રપતિ રામનાથ કોવિંદ આવશે ગુજરાત, જાણો બે દિવસના પ્રવાસનો કાર્યક્રમ

•  
• રાષ્ટ્રપતિ રામનાથ કોવિંદ ગુજરાતની મુલાકાતે આવશે
• એરપોર્ટથી ગાંધીનગર સુધી પોલીસે કર્યું રિહર્સલ
• વિશ્વના સૌથી મોટા મોટેરા સ્ટેડિયમનું કરશે ઉદ્ઘાટન કરશે

રાષ્ટ્રપતિ રામનાથ કોવિંદ ગુજરાતની મુલાકાતે આવી રહ્યા છે. જેને લઈને પોલીસે એરપોર્ટથી ગાંધીનગર સુધીનો બંદોબસ્તનું રિહર્સલ કર્યુ. આવતીકાલે બપોરે 12 વાગે રાષ્ટ્રપતિ અમદાવાદ એરપોર્ટ આવશે. અને જે બાદ ગાંધીનગર રાજભવન પહોચશે. બપોરે જમ્યા બાદ આરામ કરીને સાંજે ગાંધીનગરના એક કાર્યક્રમમાં હાજરી આપશે. જે બાદ રાજભવન રાત્રી રોકાણ કરીને બીજા દિવસે મોટેરા સ્ટેડીયમનું ઉદ્ઘાટન કરીને પરત દિલ્હી ફરશે. આ તમામ રૂટને લઈને પોલીસે ગ્રાડ રિહર્સલ યોજાયું હતું. જેમાં રૂટનું નિરીક્ષણ કરવામાં આવ્યું હતું.

જનપથથી મોટેરા સ્ટેડિયમ સુધીનો માર્ગ રહેશે બંધ  

અમદાવાદ પોલીસ કમિશનર દ્વારા જાહેરનામું રજૂ કરાયું છે. જે અંતર્ગત જનપથથી મોટેરા સ્ટેડિયમ સુધીનો માર્ગ બંધ રાખવામાં આવશે. આગામી 24થી 28 ફેબ્રુઆરી સુધી આ રસ્તાઓ બંધ રાખવામાં આવશે. સવારે 10થી રાત્રે 12 વાગ્યા સુધી બંધ રહેશે. વાહનચાલકોએ વૈકલ્પિક માર્ગ પરથી પસાર થવાનું રહેશે. પોલીસ કમિશનર સંજય શ્રીવાસ્તવના આદેશથી ક્રિકેટ મેચના કારણે સ્ટેડિયમ તરફના રસ્તાઓ બંધ કરાયા છે. મોટેરા સ્ટેડિયમ ખાતે 24 તારીખથી ખેલાડિઓ, VIP લોકોના આગમન અને મેચ જોવા આવનારાઓ પણ વાહન લઈને આવશે. ત્યારે સામાન્ય લોકોને તકલીફ ન પડે તેને લઈ આ નિર્ણય કરાયો છે.