સુરક્ષા / રાષ્ટ્રપતિ, PM ને મળશે વધુ ફૌલાદી સુરક્ષા, આજે અમેરિકાથી આવશે બીજું VVIP વિમાન, જાણો ખાસિયત

• રાષ્ટ્રપતિ, પ્રધાનમંત્રીને દેશ વિદેશની યાત્રામાં મળશે ફૌલાદી સુરક્ષા
• બોઈંગ 777 એરક્રાફ્ટનું બીજું સ્પેશ્યલ વિમાન આજે અમેરિકાથી ભારત આવશે
• ભારતને મળેલા આ વિમાનનું નામ Air India One રખાયું

રાષ્ટ્રપતિ, ઉપરાષ્ટ્રપતિ અને પીએમની યાત્રા માટે વિશેષ રીતે બનાવાયેલું બી777 વિમાન 1 ઓક્ટોબરે અમેરિકાથી ભારત આવ્યું હતું. વિમાનને જુલાઈમાં વિમાન કંપની બોઈંગ દ્વારા એર ઈન્ડિયાને સોંપવાનું હતું પરંતુ તેમાં 2 વાર મોડું થયું. પહેલી વાર કોરોનાના કારણે મોટડું થયું અને બીજી વાર ટેકનિકી ખામીના કારણે મોડું થયું હતું. આ બંને વિમાન 2018માં થોડા મહિના માટે એર ઈન્ડિયાનો ભાગ રહી ચૂક્યા છે. પછી તેને વીવીઆઈપી યાત્રા માટે વિશેષ રીતે તૈયાર કરવા અમેરિકાના ડલાસ મોકલાયા હતા. 

બંને વિમાનોની કિંમત 8400 કરોડ રૂપિયાની આસપાસ

અધિકારીઓની વાત માનીએ તો બંને વિમાનની ખરીદીની કિંમત લગભગ 8400 કરોડ રૂપિયાની રખાઈ છે. બી 777 વિમાનમાં અત્યાધુનિક મિસાઈલ રોધક ક્ષમતા હશે. જેને લાર્જ એરક્રાફ્ટ ઈન્ફ્રારેડ કાઉન્ટરમેજર્સ અને સેલ્ફ પ્રોટેક્શન સૂટ્સ કહેવાય છે. વીવીઆઈપીની યાત્રા સમયે બંને વિમાનો બી777 વિમાનો અને એરઈન્જિયાના પાયલટ નહીં પણ ભારતીય વાયુસેનાના પાયલટ ઉડાવશે. હાલમાં રાષ્ટ્રપતિ, ઉપરાષ્ટ્રપતિ અને પીએમ એર ઈન્ડિયાના બી747 વિમાનોમાં મુસાફરી કરે છે. એર ઈન્ડિયા વન અગ્રિમ અને સુરક્ષિત સંચાર પ્રણાલીથી લેસ છે. જે હવામાં પણ ઓડિયો અને વીડિયોનું સંચાર ફંક્શનનો લાભ આપવાની મંજૂરી આપે છે. 

શું છે વિમાનની ખાસિયત

બી 777 વિમાનોમાં અત્યાધુનિક મિસાઈલ રક્ષા પ્રણાલી હશે જેને લાર્જ એરક્રાફ્ટ ઈફ્રારેડ કાઉન્ટરમેજર્સ અને સેલ્ફ પ્રોટેક્શન સૂટ્સ પણ કહેવાય છે. ફેબ્રુઆરીમામં અમેરિકાએ ભારતને આ બે રક્ષા પ્રણાલી 19 કરોડ ડોલરની કિંમતે વેચવાની સહમતિ આપી હતી. બંને વિમાનોમાં સુરક્ષાની એવી વ્યવસ્થા કરાઈ છે કે જે ભલભલા મોટા હુમલાને નાકામ કરી શકે છે. એટલું જ નહીં આ વિમાન પર મિસાઈલ એટેકની પણ કોઈ અસર થશે નહીં.