IPLIN
 
  • Home
  • India
  • President Ramnath Kovind, PM Modi greet citizens on occasion of Lord Jagannath Rath Yatra

રથયાત્રા / PM મોદીએ CM કાર્યકાળ દરમિયાનની રથયાત્રાની ફોટો શૅર કરીને પાઠવી શુભેચ્છાઓ

Team VTV 09:16 AM, 04 Jul 19 | Updated: 09:17 AM, 04 Jul 19
Follow us
President Ramnath Kovind, PM Modi greet citizens on occasion of Lord Jagannath Rath Yatra

આજે દેશભરમાં રથયાત્રાના તહેવારની ઉજવણી થઇ રહી છે. સાંજે 5 વાગે જ્યાં જગન્નાથ પુરીમાં રથયાત્રા નીકળશે તો બીજી તરફ અમદાવાદ શહેરમાં 142મી રથયાત્રા નીકળી રહી છે.

ભગવાન જગન્નાથ ભાઇ બલરામ, બહેન સુભદ્રા સાથે નગરચર્ચા પર નીકળી રહ્યા છે ત્યારે શ્રદ્ઘાળુઓ વચ્ચે ભારે ઉત્સાહ  અને ઉમંગ જોવા મળી રહ્યા છે. આ વચ્ચેદેશના રાષ્ટ્રપતિ રામનાથ કોવિંદે પણ સોશ્યલ મીડિયા એકાઉન્ટ પર ટ્વીટ કરીને દેશવાસીઓને શુભકામના આપી છે. 

 

દેશના પ્રધાનમંત્રી નરેન્દ્ર મોદીએ પોતાના સોશ્યલ મીડિયા એકાઉન્ટ પર પોતાના ગુજરાતના મુખ્યમંત્રી સમયના ફોટોઝ શૅર કરીને શુભેચ્છાઓ પાઠવી છે. ટ્વિટ કરતા તેમણે લખ્યુ છે કે, રથયાત્રા માટેની શુભેચ્છા. ભગવાન જગન્નાથને આપણા સારા સ્વાસ્થ્ય, ખુશી અને સમૃદ્ધિ માટે પ્રાર્થના કરીએ.

તો બીજી તરફ દેશના ગૃહમંત્રી અમિત શાહે દેશની બીજા નંબરની વિશાળ રથયાત્રા શરૂ થયા પહેલા ભગવાનની પૂજા-વિધિ કરી.ગૃહમંત્રી અમિત શાહ લગભગ 4 વાગ્યે જમાલપુર આવેલા જગન્નાથ મંદિરમાં પહોંચ્યા હતા અને મંગળ આરતી કરી હતી. આ દરમિયાન તેમના પત્ની પણ ત્યાં હાજર રહ્યા હતા. નોંધનીય છે કે, ગૃહમંત્રી બન્યા પછી અમિત શાહનો આ પહેલો ગુજરાત પ્રવાસ છે.

 

અમિત શાહે પણ પોતાના સોશ્યલ મીડિયા એકાઉન્ટ પર ટ્વીટ કરતા કહ્યુ કે, ''દેશવાસીઓને હાર્દિક શુભકામનાઓ, મહાપ્રભુ જગન્નાથજી તમામના જીવનાં સુખ, સમુદ્ઘિ અને સૌભાગ્ય લાવે.''

national RathYatra19 રામનાથ કોવિંદ નરેન્દ્ર મોદી અમિત શાહ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ