મંજૂરી / આરોગ્યકર્મીઓ પર હુમલો કરનારને હવે 7 વર્ષની સજા, અધ્યાદેશ પર રાષ્ટ્રપતિની મહોર

• આરોગ્યકર્મીઓ પર હુમલાના અધ્યાદેશ પર રાષ્ટ્રપતિની મહોર
• હવે આ બિનજામીનપાત્ર ગુનો બની ગયો

આ અગાઉ ગઇકાલે કેન્દ્રીય કેબિનેટે  આ વટહુકમને મંજૂરી આપી હતી. જેમાં આરોગ્ય કર્મચારીઓ વિરુદ્ધ થયેલી હિંસાને માન્ય અને બિનજામીનપાત્ર ગુનો બનાવવામાં આવ્યો છે. વટહુકમમાં આરોગ્ય કર્મચારીઓને ઇજાઓ, સંપત્તિને નુકસાન માટે વળતર પણ આપવામાં આવશે.
 

President Ram Nath Kovind has approved to promulgate The Epidemic Diseases (Amendment) Ordinance, 2020 which provides stricter punishments for attacks against health workers. pic.twitter.com/6lyzFVv38P

— ANI (@ANI) April 23, 2020

આરોગ્ય મંત્રાલયે એક નિવેદનમાં કહ્યું, "રાષ્ટ્રપતિએ આ વટહુકમની ઘોષણા માટે મંજૂરી આપી દીધી છે." વટહુકમ મુજબ આવી હિંસક કૃત્ય કરવા બદલ ત્રણ મહિનાથી પાંચ વર્ષની સજા અને 50 હજારથી બે લાખ રૂપિયા સુધીની દંડની જોગવાઈ છે. ગંભીર ઈજા / ઘા પહોંચાડવા પર દોષિતને છ મહિનાથી સાત વર્ષની કેદની સજા થશે અને એક લાખથી પાંચ લાખ રૂપિયા દંડ થશે.