કોન્ફરન્સ / PM મોદી, અમિત શાહ પછી રામનાથ કોવિંદ ગુજરાતની મુલાકાતે, જાણો કઇ તારીખે અને ક્યાં આવશે રાષ્ટ્રપતિ

• રાષ્ટ્રપતિ રામનાથ કોવિંદ ગુજરાત મુલાકાતે આવશે
• 25થી 27 નવેમ્બર સુધી સ્ટેચ્યુ ઓફ યુનિટી પાસે કાર્યક્રમ
• રાષ્ટ્રપતિ રાજ્યોના વિધાનસભા અધ્યક્ષનો સેમિનાર યોજશે

રાષ્ટ્રપતિ રામનાથ કોવિંદ ગુજરાત મુલાકાતે આવશે. રાષ્ટ્રપતિ 25થી 27 નવેમ્બર સુધી સ્ટેચ્યુ ઓફ યુનિટિ પાસેના કાર્યક્રમને લઇને રાજ્યની મુલાકાતે આવી રહ્યાં છે. આ કાર્યક્રમને લઇને રાજ્યમાં 24 નવેમ્બરથી મહેમાનોનું આગમન થશે. 

રાષ્ટ્રપતિ રાજ્યોના વિધાનસભા અધ્યક્ષનો સેમિનાર યોજશે. આ કાર્યક્રમમાં લોકસભા અધ્યક્ષ પણ હાજર રહેશે. આગામી 25 અને 26 નવેમ્બરના રોજ ટેન્ટ સિટી-2 ખાતે સેમિનાર યોજાશે. રાષ્ટ્રપતિ માટે ખાસ દરબારી ટેન્ટનું આયોજન કરાયું છે. 

ઉલ્લેખનીય છે કે પ્રધાનમંત્રી નરેન્દ્ર મોદીએ કેવિડયાથી અમદાવાદ રિવરફ્રન્ટ સુધીના સી-પ્લેનનો પ્રારંભ કરાવ્યો હતો. પીએમ મોદી કેવડિયાથી બેસી અમદાવાદ સુધી સી-પ્લેનમાં આવ્યાં હતા.