ખતરો / આ મોટા દેશમાં કોરોનાએ એવું રૂપ બદલ્યું કે લોકોને બીજી વાર વેક્સિન આપવાની તૈયારીમાં સરકાર, જાણો કેમ આવી હાલત

• રશિયામાં ફરી એક વખત વધ્યુ કોરોના સંક્રમણ 
• દેશના ઘણા વિસ્તારોમાં સંક્રમણની સ્થિતિ ગંભીર
• ઘણા ક્ષેત્રોમાં સ્થિતિ પહેલા કરતા વઘારે ખરાબ 

દુનિયામાં કોરોનાના નવા વેરિએન્ટે ફરી તબાહી મચાવી છે. રશિયામાં કોરોના સંક્રમણ ફરી એક વખત ફેલાઈ રહ્યું છે. રશિયાના રાષ્ટ્રપતિ બ્લાદિમિર પુતિને કહ્યું કે દેશના ઘણા વિસ્તારોમાં સંક્રમણની સ્થિતિ ગંભીર છે. માટે આ વિસ્તારોમાં ફરીથી લોકોને વેક્સિનેશનની યોજના પર કામ કરવામાં આવી રહ્યું છે. સોમવારે સંસદના નિચલા સદનમાં રાષ્ટ્રપતિ પુતિને કહ્યું, "દુર્ભાગ્યથી કોરોનાના નવા કેસ ઓછા નથી થઈ રહ્યા. દેશના ઘણા ભાગોમાં કોરોનાના કેસ વધી રહ્યા છે. ઘણા ક્ષેત્રોમાં સ્થિતિ પહેલા કરતા વઘારે ખરાબ છે."

રશિયામાં ગયા 24 કલાકમાં 17 હજારથી વધારે કેસ 
જણાવી દઈએ કે રશિયામાં છેલ્લા 24 કલાકમાં 17,378 નવા કેસ અને 440 લોકોના મોત થયા છે. પરિસ્થિતિ પર ચિંતા વ્યક્ત કરતા પુતિને કહ્યું કે કોરોનાનો ખતરો સતત વધી રહ્યો છે. બ્લૂમબર્ગ વેક્સિનેશન ટ્રેકર અનુસાર દુનિયાને વેક્સિન સપ્લાય કરી રહેલા રશિયામાં અત્યાર સુધી 3 કરોડ લોકોને જ વેક્સિન આપવામાં આવી છે. જે કુલ આબાદીના 11.2% છે.  તેમાંથી 12.3% લોકોને પહેલો ડોઝ અને 10.2% લોકોને બીજો ડોઝ આપવામાં આવ્યો છે. 

બ્રિટનમાં શિયાળામાં ફરી લાગી શકે છે લોકડાઉન 
ત્યાં જ બ્રિટનમાં ગયા 24 કલાકમાં કોરોનાના 9,284 નવા કેસ સામે આવ્યા છે. સાયન્ટિફિક એડવાઈઝરી ગ્રુપ ફોર ઈમરજન્સીએ કહ્યું કે કોરોનાના કેસ વધી શકે છે. એવામાં નવેમ્બર ડિસેમ્બરમાં સ્થિતિ વધારે ગંભીર થઈ શકે છે. ઈન્ગ્લેન્ડની પબ્લિક હેલ્થના નિર્દેશક અનુસાર સુશાન હોપકિંસે પણ ચેતાવણી જાહેર કરતા કહ્યુ કે અમે કોરોનાના નવા વેરિએન્ટને નજરઅંદાજ નથી કરવા માંગતા. કોરોનાના વધતા કેસો પર તેમણે કહ્યું કે શિયાળામાં લોકડાઉન લગાવવું પડી શકે છે.