IPLIN
 
  • Home
  • વિશ્વ
  • India
  • President of Indonesia Joko Widodo hands over the G20 Presidency to India at the closing ceremony of the Bali Summit.

VIDEO / આવતા વર્ષે ભારત આવશે વર્લ્ડના 20 મોટા માથા, PM મોદીએ બાલીમાં સ્વીકારી G-20 દેશોની અધ્યક્ષતા

Team VTV 03:02 PM, 16 Nov 22 | Updated: 03:13 PM, 16 Nov 22
Follow us
President of Indonesia Joko Widodo hands over the G20 Presidency to India at the closing ceremony of the Bali Summit.

ભારતને 2023ના જી20 દેશોની અધ્યક્ષતા કરવાની એક મોટી તક મળી છે. બાલીમાં પીએમ મોદીને જી20 દેશઓની અધ્યક્ષતા મળી હતી.

  • ભારત માટે આજનો દિવસ  મહત્વનો
  • દેશને મળી જી20 દેશોની અધ્યક્ષતાની તક
  • ઈન્ડોનેશિયાના રાષ્ટ્રપતિએ મોદીને સોંપી અધ્યક્ષતા 

ઈન્ડોનેશિયાના બાલીમાં જી-20 સમિટના અંતિમ દિવસે પીએમ નરેન્દ્ર મોદીએ આવતા વર્ષે યોજાનારી સમિટની અધ્યક્ષતા સ્વીકારી હતી. પીએમના સ્વીકાર બાદ હવે આવતા વર્ષે 2023માં જી20 દેશોની બેઠક ભારતમાં મળશે. ઈન્ડોનેશિયાના પ્રમુખ જોકો વિડોડોએ પીએમ મોદીને જી20 દેશોની અધ્યક્ષતા સોંપી હતી. 

દુનિયાએ આર્થિક સંકટમાંથી બહાર નીકળવાનો પ્રયાસ કરવો પડશે 
પીએમ મોદીએ આ પ્રસંગે પોતાના સંબોધનમાં કહ્યું કે, દુનિયા આર્થિક સંકટ સામે ઝઝૂમી રહી છે અને તેમાંથી બહાર નીકળવા માટે જી-20 દેશોએ પ્રયાસો કરવા પડશે. તેમણે જી-20 દેશોને જણાવ્યું હતું કે, "તમારું રોકાણ અને અમારી નવીનતા ચમત્કાર સર્જી શકે છે." તમારો વિશ્વાસ અને અમારું ટેકનિકલ જ્ઞાન વસ્તુઓને વધુ સારી બનાવી શકે છે. હું આપ સૌને આમંત્રણ આપું છું કે, તેઓ ખભેખભો મિલાવીને કામ કરે અને દુનિયાની સમસ્યાઓનું સમાધાન શોધે.

ભારતના વિવિધ શહેરોમાં જી-20 બેઠકોનું આયોજન કરીશું-પીએમ મોદી 
આવતા વર્ષે જી-20 દેશોની બેઠકની અધ્યક્ષતા સ્વીકારતા પીએમ મોદીએ કહ્યું કે, "અમે અમારા દેશના વિવિધ શહેરો અને રાજ્યોમાં જી-20 બેઠકોનું આયોજન કરીશું. આપણા અતિથિઓ ભારતની વિવિધતા અને સાંસ્કૃતિક સમૃદ્ધિનો અનુભવ કરશે. અમને આશા છે કે તમે બધા લોકશાહી ભારતમાતામાં ભાગીદાર બનશો. પીએમ મોદીએ કહ્યું કે આજે આખી દુનિયાની નજર ભારત તરફ છે. પ્રધાનમંત્રીએ કહ્યું હતું કે, "જી-20 પ્લેટફોર્મ પરથી આપણે દુનિયાને શાંતિ અને સ્થિરતાનો સંદેશ આપવાનો છે. 

બાલીમાં મેંગ્રોવના જંગલમાં US રાષ્ટ્રપતિ બાયડને સાથે બની આવી ઘટના, ઈન્ડોનેશિયાના પ્રેસિડન્ટે સંભાળ્યાં #Jobiden #bidening20bali #g20summit #viralvideo https://www.vtvgujarati.com/news-details/watch-joe-biden-stumbled-on-stairs-this-happened-next

ભારતમાં ડિજિટલ પહોંચ વધારી
પ્રધાનમંત્રીએ ભારતમાં ડિજિટલ ક્રાંતિનો પણ ઉલ્લેખ કર્યો હતો. તેમણે ઉમેર્યું હતું કે, "અમે ભારતમાં તમામને ડિજિટલ સુલભતાને પ્રોત્સાહન આપ્યું છે. આજે પણ દુનિયામાં ડિજિટલ ડિવાઇડ છે. વિશ્વના મોટાભાગના વિકાસશીલ દેશોમાં લોકોની પાસે ડિજિટલ સુવિધાઓ નથી. અત્યારે પણ માત્ર 50 દેશો એવા છે જ્યાં ડિજિટલ પેમેન્ટ સિસ્ટમનો વિસ્તાર થાય છે. તેમણે કહ્યું કે આ વ્યવસ્થા દરેક જગ્યાએ પહોંચે તે જરૂરી છે. આ સિસ્ટમ સમાવેશી બન્યા વિના સફળ થશે નહીં. તેમણે કહ્યું હતું કે, ડિજિટલ પરિવર્તન માનવ સમાજનાં માત્ર એક વર્ગ પૂરતું મર્યાદિત ન રહે એ લોકોની જવાબદારી છે.

G20 Presidency pm modi in bali bali g20 summit બાલી જી20 સમિટ બાલી શિખર સંમેલન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ