BIG NEWS / રાષ્ટ્રપતિ ચૂંટણી: આમ આદમી પાર્ટીની મોટી જાહેરાત, આ ઉમેદવારના પક્ષમાં કરશે મતદાન

• રાષ્ટ્રપતિ ચૂંટણી માટે વિપક્ષી અને સત્તાધારી જૂથ એક્ટિવ મોડમાં
• રાષ્ટ્રપતિ ચૂંટણીને લઈને સતત બદલાઈ રહ્યા છે સમીકરણો
• આમ આદમી પાર્ટી આ ઉમેદવારને આપશે સમર્થન

દેશમાં આગામી રાષ્ટ્રપતિ ચૂંટવા માટે 18 જૂલાઈના રોજ મતદાન થશે. મતદાન પહેલા રાષ્ટ્રપતિ પદ માટે ઉમેદવારો સાથે સત્તાધારી અને વિપક્ષી જૂથ એક્ટિવ થયા છે. પોતાના પક્ષમાં વધારે સમર્થન એકઠુ કરવા માટે બંને તરફથી જોર આપવામાં આવી રહ્યું છે. સતત બદલાતા સમીકરણોની વચ્ચે વિપક્ષી પાર્ટી માટે સારા સમાચાર આવ્યા છે. 

"AAP will support Opposition's Presidential candidate Yashwant Sinha. We respect Droupadi Murmu but we will vote for Yashwant Sinha," says AAP MP Sanjay Singh

(File photo) pic.twitter.com/ESnHxtAN7s

— ANI (@ANI) July 16, 2022

કેન્દ્રશાસિત પ્રદેશ દિલ્હી અને પંજાબની સત્તા પર બેઠેલી આમ આદમી પાર્ટીનો સાથ વિપક્ષી પાર્ટીઓને મળ્યો છે. આમ આદમી પાર્ટીએ રાષ્ટ્રપતિ ચૂંટણી માેટ વિપક્ષી ઉમેદવાર યશવંત સિન્હાને સમર્થન આપવાની જાહેરાત કરી છે. આમ આદમી પાર્ટીના રાજ્યસભા સાંસદ સંજય સિંહે શનિવારે યશવંત સિન્હાને સમર્થન આપવાની જાહેરાત કરી છે. 

એક રિપોર્ટમાં જણાવ્યા અનુસાર આમ આદમી પાર્ટીના રાજ્યસભા સાંસદ સંજય સિંહે શનિવારે આ જાહેરાત કરી છે. સંજય સિંહે કહ્યું કે, અમે દ્રૌપદી મુર્મૂનું સન્માન કરીએ છીએ, પણ અમે મતદાન યશવંત સિન્હાના પક્ષમાં કરીશું. આમ આદમી પાર્ટી તરફથી યશવંત સિન્હાને સમર્થન એવા સમયે કર્યું છે, જ્યારે ઝારખંડ મુક્તિ મોર્ચો અને બીજૂ જનતા દળ જેવી પાર્ટીઓ એનડીએ ઉમેદવાર દ્રૌપદી મુર્મૂને સમર્થન આપવાની જાહેરાત કરી ચુકી છે.