શીત યુદ્ધ / G-20 સંમેલન બાદ ચીનને લઇને ટ્રમ્પ કરી શકે છે આ મોટો નિર્ણય

ઉલ્લેખનીય છે કે,  અમેરિકા અને ચીન વચ્ચે બે દિવસ સુધી ચાલેલી વેપાર વાર્તા કોઈ પણ પરિણામ વગર ખતમ થઈ છે. નિષ્ફળ વાતચીત બાદ રાષ્ટ્રપતિ ડોનાલ્ડ ટ્રમ્પે પોતાના અધિકારીઓને ચીનથી આયાત થતાં તમામ પ્રકારના માલ પર ટેરિફ વધારવાના આદેશ આપી દીધા છે. અમેરિકાએ 200 અરબ ડોલરની ચીની ઉત્પાદનો પર ટેરિફની દર 10 ટકાથી વધારી 25 ટકા કરી દીધી છે. 

ચીનથી આયાત થતી 5,700થી વધુ વસ્તુઓ પર અમેરિકાએ ટેરિફ વધારી દીધો છે. ટ્રમ્પે કહ્યું કે, ચીન એમ ન સમજે કે આ વખતે કોઈ ડેમોક્રેટ અમેરિકાનો રાષ્ટ્રપતિ બનવા જઈ રહ્યો છે. તે જ અમેરિકાના રાષ્ટ્રપતિ બનવા જઈ રહ્યા છીએ. ત્યારે ચીનને ભોગવવાનો વારો આવશે. આમ ચીનને ખુલ્લામાં ધમકી આપી છે.

અમેરિકા સાથે તેની વેપાર વાર્તા નિષ્ફળ નથી થઈ. હવે પછીનો રાઉન્ડ બેઈજિંગમાં થશે. ચીનના શીર્ષ વેપાર વાર્તાકાર લિયુ હેએ વોશિંગ્ટનમાં કહ્યું કે, અમેરિકાની સાથે બેઈજિંગમાં વેપાર વાર્તા ચાલુ રહેશે. જો કે, તેઓએ પણ ચેતાવણી આપી કે, મહત્વપુર્ણ સિદ્ધાંતો પર કોઈ છૂટ નહીં આપવામાં આવે. 

ચીની ઉત્પાદનો પર ટેરિફ વધારવા મામલે કહ્યું કે, બંને દેશ વચ્ચે વેપાર વાર્તામાં આવેલો આ એક સામાન્ય વળાંક છે, વાતચીત હજુ તૂટી નથી.  આમ બબંને દેશ વચ્ચે ચાલતા વિવાદનો અંત આવતો દેખાઈ રહ્યો નથી.