નિર્ણય / મોટા સમાચાર : કેન્દ્રીય મંત્રી ગેહલોતને બનાવાયા કર્ણાટકના ગવર્નર તો મધ્યપ્રદેશમાં આદિવાસી નેતા મંગુભાઈ પટેલ

• કેબિનેટ વિસ્તાર પહેલા રાજ્યપાલો બદલાયા
• રાષ્ટ્રપતિ રામનાથ કોવિંદે વિવિધ રાજ્યોમાં રાજપાલની કરી નિમણૂક
• વજુભાઈ વાળાને કર્ણાટકના રાજ્યપાલ પદેથી કરાયા મુક્ત 

જેમાં ખાસ કરીને ગુજરાતના વતની અને કર્ણાટકના રાજ્યપાલ તરીકેની જવાબદારી નિભાવી રહેલા વજુભાઈ વાળાને કર્ણાટકના રાજ્યપાલ પદેથી મુક્ત કરવામાં આવ્યા છે. 

કયા રાજ્યના રાજ્યપાલ બદલાયા?

• - થાવરચંદ ગેહલોતને કર્ણાટક
• - રમેશ બૈસને ઝારખંડ
• -બંડારુ દત્તાત્રેયને હરિયાણા
• - મંગુભાઈ પટેલને મધ્યપ્રદેશ
• -સત્યદેવ નારાયણને ત્રિપુરા
• -હરિ બાબુને મિઝોરમ
• -પી.એસ શ્રીધરન પિલ્લઈને ગોવા
• - રાજેન્દ્ર વિશ્વનાથ આર્લેકરને હિમાચલ પ્રદેશ

વજુભાઈ વાળાને કર્ણાટકના રાજ્યપાલ પદેથી કરાયા મુક્ત

ઉલ્લેખનીય છે કે, ગુજરાતના વતની અને ભાજપના એક સમયના દિગ્ગજ નેતા વજુભાઈ વાળાને કર્ણાટકના રાજ્યપાલ પદેથી મુક્ત કરવામાં આવ્યા છે. તેઓ 2014થી કર્ણાટકના રાજ્યપાલ હતા. તેમની જગ્યાએ થાવરચંદ ગેહલોતની રાષ્ટ્રપતિ રામનાથ કોવિંદ દ્વારા નિમણૂક કરવામાં આવી છે. 

મધ્યપ્રદેશના રાજ્યપાલ તરીકે ફરી એક વખત ગુજરાતના નેતા

મંગુભાઈ પટેલ ભાજપના મોટા નેતા છે અને તેઓ 1982થી 87 સુધી નવસારી નગરપાલિકાના કોર્પોરેટર રહ્યાં છે. અને ગુજરાત પ્રદેશ ભાજપના ઉપાધ્યક્ષ પણ રહી ચૂક્યા છે. 1990થી લઇ 2007 સુધી ગુજરાતના ધારાસભ્ય રહી ચૂક્યા છે. અને ગુજરાત સરકારમાં વન મંત્રી પણ રહી ચૂક્યા છે. મંગુભાઇ પટેલ ગુજરાત વિધાનસભામાં ડેપ્યુટી સ્પીકર પણ રહી ચૂક્યા છે. હવે તેમની મધ્યપ્રદેશના 19મા રાજ્યપાલ તરીકે નિમણૂક કરવામાં આવી છે. આ પહેલાં આનંદીબેન પટેલ પાસે મધ્યપ્રદેશના રાજ્યપાલનો વધારાનો હવાલો હતો.