રશિયા-યુક્રેન યુદ્ધ / પુતિનને રાષ્ટ્રપતિ પદ પરથી હટાવવાની તૈયારી પુરજોશમાં.! યુક્રેને કર્યો મોટો દાવો

• યુક્રેનનાં ચીફ ઓફ ડિફેન્સ ઈન્ટેલિજન્સ મેજર જનરલ કિર્લો બુડાનોવે દાવો
• વ્લાદિમીર પુતિનને સત્તા પરથી હટાવવાની ચર્ચા
• રશિયામાં એ વાતની ચર્ચા ચાલી રહી છે કે આગામી રાષ્ટ્રપતિ કોણ હશે?

 યુક્રેનને ચીફ ઓફ ડિફેન્સ ઈન્ટેલિજન્સ મેજર જનરલ કિર્લો બુડાનોવે દાવો કર્યો છે કે આ યુધ્ધના અંત સુધી પુતિન રાષ્ટ્રપતિ રહેશે નહીં. બુડાનોવે કહ્યું છે કે એક રિપોર્ટ અનુસાર રશિયન અધિકારીઓ વ્લાદિમીર પુતિનને સત્તા પરથી હટાવવાની સક્રિય ચર્ચા કરી રહ્યા છે.
જનરલ બુડાનોવનું આ નિવેદન એવા સમયે આવ્યું છે જ્યારે યુક્રેન રશિયા પર વળતો હુમલો કરીને રશિયાને કબજા હેઠળના યુક્રેનિયન વિસ્તાર ખેરસન બંદરને ફરીથી કબજે કરવાનો પ્રયાસ કરી રહ્યું છે. તેમણે કહ્યું કે અમને નથી લાગતું કે પુતિન હવે સત્તામાં હશે. કારણ કે રશિયામાં એ વાતની ચર્ચા ચાલી રહી છે કે આગામી રાષ્ટ્રપતિ કોણ હશે?
 ક્રિમીઆને પરત લેવાનો પ્રયાસ
ક્રિમીયાના ચીફ ઓફ ડિફેન્સ મેજર જનરલ કિર્લો બુડાનોવે જણાવ્યું હતું કે યુક્રેન નવેમ્બરના અંત સુધીમાં ખેરસને ફરીથી કબજે કરવાનું લક્ષ્યાંક રાખતું હતું. સાથે જ અમારો પ્રયાસ રહેશે કે ક્રિમિયાને પણ રશિયા પાસેથી પાછું લઈ લેવામાં આવે. ઉલ્લેખનીય છે કે. ક્રિમીઆ પહેલા પણ યુક્રેનનો હિસ્સો હતો, પરુતું 2014 મા રશિયાએ કિમીઆને કબજે કરી લીધુ હતું.

સપ્ટેમ્બરમાં રશિયાને મોટી હોનારતનો સામનો કરવો પડ્યો છે
છેલ્લા નવ મહિનાથી ચાલ રહેલા આ યુધ્ધમાં સપ્ટેમ્બરની શરુઆતમાં પહેલીવાર રશિયાને યુક્રેનની સેનાના હાથે મોટી હારનો સામનો કરવો પડ્યો હતો. આ પછી રશિયાના રાષ્ટ્રપતિ વ્લાદિમીર પુતિનને ત્રણ લાખ રિઝર્વ સૈનિકોની આંશિક તૈનાતીની જાહેરાત કરવી પડી હતી. પુતિને ચેતવણી આપી હતી કે રશિયા પોતાની સુરક્ષા માટે કોઈપણ હદ સુધી જઈ શકે છે.