મનોરંજન / પુષ્પા 2 માં હિન્દી ફેન્સ માટે સરપ્રાઈઝ, સ્ક્રીનફાડ એક્શન કરશે અલ્લુ અર્જુન, કરવામાં આવી આ તૈયારી

• દુનિયાભરમાં છવાયો પુષ્પાનો જાદૂ 
• પુષ્પા પાર્ટ 2ની તૈયારીઓ શરુ 
• જાણો શું હશે પુષ્પાનાં બીજા પાર્ટની સ્ટોરી 

​​​​​​​દુનિયાભરમાં છવાયો પુષ્પાનો જાદૂ 

સાઉથ સિનેમાનો જાદૂ દુનિયાભરમાં ચઢેલો જોવા મળે છે. હવે એ દિવસો ગયા જ્યારે સાઉથ ફિલ્મોનો જાદૂ માત્ર સાઉથ ઇન્ડિયા સુધી જ સીમિત હતો. હવે તો સાઉથની ફિલ્મો દેશ અને દુનિયાનાં ખૂણે ખૂણે પોપ્યુલર જોવા મળે છે. અલ્લુ અર્જુનની ફિલ્મ પુષ્પાન જોઈ લો. સોશિયલ મીડિયાનાં આ જમાનામાં કોઇથી કંઈ જ છુપાયેલ નથી. ઘણા એવા ફોરેનર્સ છે જેમને તમે પુષ્પાનાં ગીત પર ડાંસ કરતા જોયા હશે. આ ફિલ્મે વિદેશોમાં સારી કમાણી કરી છે. આવામાં આ ફિલ્મના બીજા પાર્ટને લઈને દુનિયાભરમાં ચર્ચા જોવા મળે છે. 

દુનિયાભરમાં પુષ્પા કરશે કમાલ 
ફિલ્મને લઈને એક નવો ખુલાસો સામે આવ્યો છે, જે નોર્થ સાઈડનાં લોકો માટે એક મોટી ખુશખબર છે. લેટેસ્ટ રિપોર્ટ અનુસાર, ફિલ્મનાં બીજા પાર્ટને લઈને તૈયારીઓ શરુ થઈ ચુકી છે. એવું માનવામાં આવી રહ્યું છે કે મેકર્સ બીજા પાર્ટમાં નોર્થ ઇન્ડિયાની ઓડિયન્સને આકર્ષવા માંગે છે. એટલા માટે પુષ્પાનાં બીજા પાર્ટમાં નોર્થ ઇન્ડિયા સાથે જોડાયેલ સ્ટોરી જોવા મળી શકે છે. જોકે આવું જ થશે, એ કહેવું અત્યારે અઘરું છે. પરંતુ જો ફિલ્મને નોર્થ ઇન્ડિયા અને બોલિવુડ ઓડિયન્સ તરફથી મળેલ સફળતાનાં દ્રષ્ટિકોણથી જોવામાં આવે, તો જો આવું થાય છે તો એ કોઈ આશ્ચર્યની વાત નહી હોય. 

જાણો શું હશે પુષ્પાનાં બીજા પાર્ટની સ્ટોરી 

આ ઉપરાંત, ફિલ્મના ટાઈટલની વાત કરીએ તો તેનું નામ પુષ્પા ધ રુલ રાખવામાં આવ્યું છે. ફિલ્મની સ્ક્રીપ્ટ તૈયાર છે પરંતુ હવે નોર્થ ઇન્ડિયન એન્ગલ આવ્યા બાદથી ફિલ્મ મેકર્સ આ ફિલ્મની સ્ક્રીપ્ટમાં ફેરફારો કરવાનું વિચારી રહ્યા છે જેથી ફિલ્મમાં એક સારી ઈમ્પેક્ટ આવી શકે. જ્યારે ફિલ્મના બીજા પાર્ટમાં અલ્લુ અર્જુનનાં પાત્રમાં પણ ફેરફારો કરવામાં આવ્યા છે અને પુષ્પાનાં અમુક અલગ શેડ્સને એક્સ્પ્લોર કરવામાં આવી રહ્યા છે. 

ફિલ્મના કાસ્ટિંગની વાત કરીએ તો આ ફિલ્મમાં અલ્લુ અર્જુન અને રશ્મિકા મંદાના સિવાય બીજા પણ એક્ટર્સ હશે જે મુખ્ય ભૂમિકામાં જોવા મળશે. ફિલ્મના પહેલા પાર્ટે સારી કમાણી કરી અને ઘણા રેકોર્ડ પોતાને નામ કર્યા. ફિલ્મના બધા ગીતો પણ વાયરલ થયા છે. તો મેકર્સને આશા છે કે ફિલ્મનો બીજો પાર્ટ પણ સુપરહીટ થશે.