ગાંધીનગર / ગૃહમંત્રી શાહના ગૃહક્ષેત્રમાં ચૂંટણી : આ દિગ્ગજ નેતાને સોંપાઈ જવાબદારી, મંત્રીઓને ગાંધીનગરમાં જ રહેવા આદેશ

• ગાંધીનગર મહાપાલિકા જીતવા કવાયત
• ભાજપે વોર્ડ દીઠ મંત્રીઓને સોંપી જવાબદારી
• ભૂપેન્દ્રસિંહ ચુડાસમાને સમગ્ર પાલિકાની જવાબદારી

ગાંધીનગર મહાપાલિકાની ચૂંટણીની તડામાર તૈયારીઓ આરંભી દેવામાં આવી છે, હવે મનપાની ચૂંટણીની તારીખો જાહેર થતા તમામ પક્ષો સક્રિય બન્યા છે ચૂંટણીના આ જંગને જીતવાની રણનીતિમાં લાગી ગયા છે. ભાજપ, કૉંગ્રેસ અને આમ આદમી પાર્ટીએ પણ ચૂંટણીને લઈને અત્યારથી જ તૈયારીમાં લાગી ગયા છે. ત્યારે આ વખતે મનપાની તમામ બેઠકો જીવતમાં ભાજપ 11 મંત્રીઓને વિશેષ જવાબદારી સોંપી છે. 

ગાંધીનગર મનપાની ચૂંટણીની તડામાર તૈયારીઓ

જો કે સમગ્ર મહાનગરપાલિકની ચૂંટણીની જવાબદારી ભૂપેન્દ્રસિંહ ચુડાસમાને સોંપવામાં આવી છે, તેમજ જ્યાં સુધી ચૂંટણી પૂરી ન થાય ત્યાં સુધી મંત્રીઓને ગાંધીનગરમાં જ રહેવાનો આદેશ આપવામાં આવ્યા છે. ગાંધીનગર મનપાની ચૂંટણી એટલા માટે પણ રસસ્પદ બની રહેશે કેમકે આવખતે ચૂંટણી આમ આદમી પાર્ટી પણ ઝંપલાવી શકે છે, તો બીજી તરફ ગાંધીનગર મતવિસ્તાર અમિત શાહનો મતવિસ્તાર હોવાથી ભાજપ ચૂંટણી જીતવા એડીચોટીનું જોર લગાવી દેશે. મહત્વનું છે કે 3 ઓક્ટોબરે મનપાની ચૂંટણી માટે મતદાનાર છે તેમજ 5 ઓક્ટોબરના દિવસે પરીણામ જાહેર કરવામાં આવશે. 

ભાજપે ચૂંટણી જીતવા માટે મંત્રીઓને સોંપી જવાબદારી

ઉલ્લેખનિય છે કે ચૂંટણીઓ નજીક આવતા જોડતોડની રાજનીતિ શરૂ થઈ જતા હોય છે એવામાં ગાંધીનગર મનપાની ચૂંટણી જાહેર થતાની સાથે જ રાજકીય અગ્રણીઓએ પક્ષ અને વિરોધી પક્ષના નબળા પાસાઓ પણ શોધવા માંડ્યા છે. ગાંધીનગર મ્યુનિસિપલ કોર્પોરેશનની ચૂંટણી જાહેર થતાં જ રાજકીય પક્ષોમાં તડજોડની રાજનીતિ પણ શરૂ થઈ જતી હોય છે ત્યારે દર વખતની જેમ કોંગ્રેસ આ વખતે પણ પોતાના કાર્યકરોને સાચવવામાં થાપ ખાઈ શકે તેવું લાગી રહ્યું છે. તો બીજી તરફ ચૂંટણીને લઈ આમ આદમી પાર્ટી પણ સક્રિય જોવા મળી રહ્યું છે.