ગુજરાત લોકસભાની ચૂંટણીની તૈયારીઃ નવા EVM VVPAT મંગાવાયા 26 બેઠકો માટે નક્કી કરાયા મતદાન મથકો

ગાંધીનગરઃ રાજ્યમાં લોકસભાની ચૂંટણીની તૈયારીઓ પુરજોશમાં ચાલી રહી છે. 26 બેઠકો માટે મતદાન મથકો નક્કી કરી દેવામાં આવ્યા છે. રાજ્યના 51 હજાર 703 મતદાન મથકો ઉપર લોકસભાની ચૂંટણી થશે.

4 જાન્યુઆરી 2019ના રોજ મતદાર યાદીની આખરી પ્રસિદ્ધિ કરવામાં આવશે. ખાસ મતદાર યાદી સુધારણા ઝુંબેશ અરજીની આખરી તારીખ પૂર્ણ થઇ ગઇ છે. ફરજ માટે આવશ્યક સંભવિત કર્મચારીઓની ડેટા એન્ટ્રી હાલ ચાલુ રહેશે.

મહત્વનું છે કે રાજ્યમાં નવા EVM VVPATથી લોકસભાની ચૂંટણી થશે. 67 હજાર જેટલા નવા કંટ્રોલ યુનિટ અને VVPAT મંગાવાયા છે. બેંગ્લોરની કંપનીમાંથી આયાત કરવાની શરૂઆત કરાઇ છે. 80 300 જેવા નવા બેલેટ યુનિટનો ચૂંટણીમાં ઉપયોગ થશે. 13 જિલ્લાના EVM VVPAT જે તે જિલ્લામાં પહોંચ્યા છે.

ત્યારે સઘન સુરક્ષા વ્યવસ્થા વચ્ચે નવા VVPAT મશીન લવાઇ રહ્યા છે. M3 વર્ઝનના નવા યુનિટનો ચૂંટણીમાં ઉપયોગ થશે. ગુજરાતના 40 હજાર જુના યુનિટ્સ બિહાર અને કેરળ મોકલાયા છે. 30 ઓક્ટોબર સુધી તમામ જિલ્લામાં નવા યુનિટ્સ પહોંચશે. 15 નવેમ્બરથી નવા યુનિટ્સનો ફર્સ્ટ લેવલ ચેકીંગ થશે. રાજકીય પક્ષોના પ્રતિનિધિઓ આ ફર્સ્ટ લેવલ ચેકીંગમાં ઉપસ્થિત રહેશે.