મનોરંજન / ઋત્વિક રોશનના ચાહકો માટે ખુશખબરઃ આવી રહી છે ધમાકેદાર ક્રિશ-4, જાણો ડાયરેક્ટરે શું કર્યો ખુલાસો

• ક્રિશ-4 માટેની તૈયારીઓ થશે શરુ 
• લીડ એક્ટ્રેસનું કાસ્ટિંગ હજુ થયું નથી
• જાણો ક્યારથી શરુ થશે શુટિંગ 

ક્રિશ-4 માટેની તૈયારીઓ થશે શરુ 

બોલિવૂડ એક્ટર રિતિક રોશન આજકાલ પોતાની અપકમિંગ ફિલ્મ વિક્રમ વેધાનાં શૂટિંગમાં વ્યસ્ત ચાલી રહ્યા છે. આ ફિલ્મમાં સૈફ અલી ખાન પણ જોવા મળશે. જોકે રિતિક રોશનનાં પિતા રાકેશ રોશને ક્રિશ 4 પર કામ શરુ કરી દીધું છે. હવે રાકેશ રોશને ફિલ્મનાં કાસ્ટિંગથી માંડીને બીજી વસ્તુઓ પર કામ કરવાનું શરુ કરી દીધું છે. એ પણ કહેવાઈ રહ્યું છે કે જૂનથી આ ફિલ્મનું શૂટિંગ શરુ થશે. આ તો બધા જાણે જ છે કે ભારતીય સુપરહીરો ક્રિશ કેટલો પોપ્યુલર છે, અત્યાર સુધી આ ફિલ્મનાં ત્રણ પાર્ટ રિલીઝ થઇ ચુક્યા છે અને આ ત્રણેય પાર્ટ દર્શકોને ખૂબ જ પસંદ આવ્યા હતા. 

લીડ એક્ટ્રેસનું કાસ્ટિંગ હજુ થયું નથી

રિપોર્ટ અનુસાર, ક્રિશ-4ની તૈયારીઓ અને ફિલ્મનું કાસ્ટિંગ આ જ વર્ષે જૂનમાં શરુ થઇ જશે. જોકે અત્યાર સુધી રાકેશ રોશને આ વિષે નિર્ણય લીધો નથી કે તેઓ ફિલ્મમાં લીડ એક્ટ્રેસ તરીકે કોને કાસ્ટ કરશે. અત્યાર સુધી તો ફિલ્મમાં પ્રિયંકા ચોપડા જ લીડ રોલમાં જોવા મળી છે. પહેલા રિતિક રોશન વિક્રમ વેધાનું શુટિંગ પૂરું કરશે અને ત્યાર બાદ ઓગસ્ટમાં દીપિકા પાદુકોણ સાથે ફાઈટર શૂટ કરશે. ફાઈટર શૂટ કરવામાં જ લગભગ તેમને 100 દિવસ લાગશે. 

 

 

 

 

View this post on Instagram

 

 

 

 

 

 

 

 

 

 

 

A post shared by Hrithik Roshan (@hrithikroshan)

જાણો ક્યારથી શરુ થશે શુટિંગ 

2022નાં અંતમાં ફિલ્મનું શુટિંગ પૂરું કરવાનું પ્લાનિંગ કરવામાં આવ્યું છે. એ પણ કહેવાઈ રહ્યું છે કે મેકર્સ ઈચ્છે છે કે તેઓ પોતાની ફિલ્મ ફાઈટર 28 સપ્ટેમ્બર 2023નાં રોજ રિલીઝ કરશે. જો આખા કેલ્ક્યુલેશનને જોવા જઈએ તો આવતા વર્ષે જ ક્રિશ-4નું શુટિંગ થઇ શકશે. કેમકે આ સુપરહીરો ફ્રેન્ચાઈસી માટે ભારે ભરખમ VFX અને સીજીઆઈનો પ્રયોગ કરવામાં આવશે.