વરસાદે ખોલી પાલિકાની પોલ; રસ્તા ધોવાયા ઠેરઠેર પડ્યા ભૂવા

વડોદરાઃ ગુજરાતના અનેક જિલ્લાઓમાં પડેલા વરસાદે તંત્રની પોલ ખોલ નાખી છે. ધોધમાર વરસાદમાં રસ્તાઓ ધોવાઈ ગયા હતા. પ્રિમોન્સૂનની પોલ ખોલતા સંસ્કારી નગરી સહિત જિલ્લાઓમાં ઠેરઠેર ભૂવા જોવા મળ્યા હતા.

આ તરફ વડોદરાના કારેલીબાગ વિસ્તારના નાગરવાડા રોડ પર ભૂવો પડતા મહાનગરપાલિકા તંત્રની પ્રિમોન્સુન કામગીરીની પોલ ખૂલી ગઈ છે. ભૂવો પડતા વાહનવ્યવહારને ભારે અસર થઈ હતી. ભ્રષ્ટાચારનો ભૂવો છુપાવવા ભૂવાની આસપાસ કોર્ડન કરાયો હતો.

બીજી તરફ સુરતના પુણા વિસ્તારમાં વરસાદને પગલે તંત્રની નબળી કામગીરીની પોલ છતી થઈ છે. ઠેર ઠેર ખાડાઓ પડતા લોકોને ભારે હાલાકીનો સામનો કરવો પડ્યો હતો.

તો બનાસકાંઠામાં પહેલા જ વરસાદમાં નગરપાલીકાના વહિવટીતંત્રની પોલ ખુલી ગઈ છે. માત્ર 6 મહિના અગાઉ તૈયાર થયેલા રોડ રસ્તા પર ભુવા પડી જતા તંત્રની કામગીરી સામે સવાલોની વણઝાર ઉભી થઈ છે. ડીસાથી રાજપુર સુધી જતા કોલેજ રોડ પર જીવલેણ ભૂવો પડ્યો છે.  

પાલિકાએ પ્રિ-મોન્સૂન પ્લાનની શું કામગીરી કરી ? ACમાં મસ્ત અધિકારીઓ પ્રજા ત્રસ્ત! રોડના જવાબદારો કેમ દંડાતા નથી? મોતના ભૂવાનો કેમ જવાબ નથી? અધિકારીઓ ભૂવાનો કેમ જવાબ આપતા નથી?  આ છે કરોડો રૂપિયાનો ખર્ચ? કોન્ટ્રાક્ટરો સામે કેમ કાર્યવાહી થતી નથી?