લ્યો બોલો / પ્રેમીકાનાં લગ્નમાં સ્ટેજ પર ચડીને સિંદૂરથી માંગ ભરી આવ્યો, વરરાજો તો બિચારો જોતો રહી ગયો, પછી થઈ જોવા જેવી

• ઉત્તર પ્રદેશના ગોરખપુરની ઘટના
• પ્રેમીએ સ્ટેજ પર ચડીને કન્યાની માંગમાં પૂરી દીધુ સિંદૂર
• સમાધાન થયા બાદ પરોઢીયે કન્યાની થઈ વિદાય

પ્રેમીએ ભરમંડપમાં કન્યાની માંગમાં સિંદૂર પૂરી દીધુ

ઘટનાસ્થળે પહોંચેલી પોલીસ સામે આખી રાત પંચાયત ચાલી. આખરે પરોઢીયે ત્રણ વાગ્યે સરપંચ અને ગામના મોટા વડીલોના હસ્તક્ષેપ બાદ મામલાનું સમાધાન આવ્યું. ત્યારબાદ વરરાજા કન્યાને પોતાના ઘરે લઇ ગયો. આ ઘટના ગોરખપુરના હરપુર બુદહટ પોલીસ સ્ટેશન વિસ્તારની છે. અહીં એક ગામમાં યુવક-યુવતી ઘણાં સમયથી એકબીજાને પ્રેમ કરતા હતા. થોડા સમય પહેલાં યુવક કમાવવા માટે બહાર જતો રહ્યો હતો. આ દરમ્યાન યુવતીના પરિવારજનોએ યુવતીના લગ્ન નક્કી કરી દીધા. પ્રેમીને જ્યારે આ વાતની જાણ થઇ તો તે યુવતીના લગ્નના બે દિવસ પહેલાં ગામે આવી ગયો. એક ડિસેમ્બરે કન્યાના લગ્ન થતા હતા ત્યારે વરરાજા અને કન્યા બંને એકબીજાને વરમાળા પહેરાવતા હતા ત્યારે પ્રેમીએ સ્ટેજ પર ચઢીને કન્યાની માંગમાં સિંદૂર પૂરી દીધુ.

આખરે સમાધાન થયા બાદ પરોઢીયે ત્રણ વાગ્યે કન્યાની થઈ વિદાય

સિંદૂર પૂર્યા બાદ બંને એકબીજાને ગળે મળ્યાં. સ્ટેજ પર ઉપસ્થિત રહેલાં દરેક લોકો આશ્ચર્યચકિત થઇ ગયા. જણાવવામાં આવી રહ્યું છે કે આ દરમ્યાન કન્યાના પરિવારના કોઈ સભ્યએ 112 નંબર ડાયલ કરી સૂચના આપી. બીજી તરફ વરરાજા અને કન્યાના પરિવારજનો વચ્ચે માહોલ ગરમાયો હતો. સ્ટેજ પર પ્રેમી અને પ્રેમિકા પણ એકબીજાની સાથે રહેવાની જીદ કરવા લાગ્યા હતા. પરંતુ પોલીસને જોઈને પ્રેમી પાછો પોતાના ઘરે જતો રહ્યો. પ્રેમી ઘરે ગયા બાદ વરપક્ષ અને કન્યા પક્ષના લોકો ફરી એક વખત પોલીસના કહેવા પ્રમાણે પંચાયતમાં બેઠા હતા. આખરે સમાધાન થયા બાદ પરોઢીયે ત્રણ વાગ્યે કન્યાની વિદાય થઈ.