વેક્સિન / કોરોના વેક્સિનને લઈને સરકારે કર્યુ મોટું એલાન, આ લોકો પણ લઈ શકશે ડોઝ

• સ્વાસ્થ્ય મંત્રાલયે નવી ગાઈડલાઈન જાહેર કરી 
• હવે ગર્ભવતી મહિલાઓ પણ વેક્સિન લગાવી શકશે
• ગર્ભવતી મહિલાઓ માટે પણ વેક્સિન ફાયદાકારક 

કોરોના સામે લડવા માટે ભારત સરકાર દ્વારા બને એટલા પ્રયાસો કરવામાં આવી રહ્યા છે. ત્યારે સરકાર દ્વારા હવે એવું કહેવામાં આવ્યું ચે કે ગર્ભવતી મહિલાઓ પણ કોરોના વેક્સિન લઈ શકશે. આ જાહેરાત કેન્દ્રીય સ્વાસ્થ્ય મંત્રાલય દ્વારા કરવામાં આવી છે. અત્યાર સુધી ગર્ભવતી મહિલાઓ વેક્સિન નહોતી લેતી. પરંતુ હવે સ્વાસ્થ્ય મંત્રાલય દ્વારા આ મામલે સત્તાવાર જાહેરાત કરી દેવામાં આવી છે. 

ગર્ભવતી મહિલાઓ માટે વેક્સિન ફાયદાકારક 

આ મુદ્દે ICMRના જનરલ ડારેક્ટર ડૉ બલરામ ભાર્ગવ દ્વારા એવું કહેવામાં આવ્યું કે ગર્ભવતી મહિલાઓ માટે પણ વેક્સિન ખરેખરમાં ફાયદાકારક છે. જેથી તેમણે ગર્ભવતી મહિલાઓને કોઈ પણ સંકોચ વગર વેક્સિન લગાવીની સલાહ આપી છે. 

સ્વાસ્થય મંત્રાલય દ્વારા ગાઈડલાઈન જાહેર કરાઈ 

વધુંમાં તેમણે કહ્યું કે સ્વાસ્થ્ય મંત્રાલય દ્વારા આ મામલે ગાઈડલાઈન પણ જાહેર કરી દેવામાં આવી છે. જેથી હવે ગર્ભવતી મહિલાઓને વેક્સિન લેવામાં કોઈ વાંધો નહી આવે. ગર્ભવતી મહિલાઓ કોવિશિલ્ડ તેમજ કોવેક્સિન એમ બંને વેક્સિન લઈ શકે છે. વેક્સિનથી બાળક અને માતાને કોઈ પણ પ્રકારનો ખતરો નથી 

દરેક વેરિએંટ સામે વેક્સિન કારગર 

ICMRના ચીફનું કહેવું છે કે કોરોના વાયરસના આલ્ફા, બીટા, ગામા અને ડેલ્ટા વેરિએંટ સામે કોવિશીલ્ડ અને કોવેક્સીન આ બંને વેક્સિન કારગર છે. આ બંને વેક્સિન સામે કોરોના વાયરસના બધાજ વેરિએંટ સામે પૂરતા પ્રમાણમાં રક્ષણ આપે છે. જોકે હાલ ભારતમાં ડેલ્ટા વેરિએંટ ચિંતાનો વિષય બન્યો છે. પરંતુ તેનાથી પણ ડરવાની કોઈ જરૂર નથી કારણકે વેક્સિન તેની સામે કારગર છે. 

ડેલ્ટા વેરિએંટ 12 દેશોમાં જોવા મળ્યો 

સમગ્ર મામલે ICMRના ચીફે એવું પણ કહ્યું કે કોરોના વાયરસનો ડેલ્ટા પ્લસ વેરિએંટ હાલ દુનિયાના 12 દેશોં જોવા મળ્યો છે. જેમા ભારતમાં પણ તે જોવા મળ્યો છે. પરંતુ હાલ તે નીચલા સ્તરે છે. સાથેજ તેમણે એવું પણ કહ્યું કે આ વેરિએંટ આગળ જતા વધારે પ્રમાણમાં ફેલાશે તેવા કોઈ પણ સંકેત હાલમાં નથી દેખાઈ રહ્યા.