ઘોર બેદરકારી / ગર્ભવતી મહિલાને મોટા વાસણમાં બેસાડીને નદી પાર કરાવી, આમ છતાં નવજાત શિશુ...

હરીશે આ ઘટનાની બ્લોક મેડિકલ ઓફિસરની ઓફિસમાં ફરિયાદ કરી છે. એમણે કહ્યું છે કે, જો આ મામલામાં હોસ્પિટલ સામે કાર્યવાહી ન કરવામાં આવી તો તેઓ કલેકટરને પણ ફરિયાદ કરશે. જો કે બીએમો અજય રામટેકે કહ્યું છે કે, હોસ્પિટલ સ્ટાફમાં ૩ લોકોને નોટિસ આપવામાં આવી છે. અમે તપાસ કરી રહ્યા છીએ કે ગર્ભવતી મહિલાની સાથે એ રાત્રે શું થયું હતું. આ મામલે કાર્યવાહી કરવામાં આવશે. જો કે હરીશનું કહેવું છે કે તેમને આ મામલે એક અઠવાડિયા બાદ પણ આગળ કોઈ પગલા ભરાયા હોવાની કોઈ જાણકારી મળી નથી.

Chhattisgarh: Pregnant woman crossed river in a utensil, with her family's help in Bijapur's Gorla, to go to hospital 15 km away on the other side on 14th July. Family did this in absence of road/bridge. Woman later gave birth to stillborn child, family alleges medical negligence pic.twitter.com/UG06E8PWXc

— ANI (@ANI) July 23, 2020

દંપતી પોતાના પહેલા બાળકની આશા રાખી રહ્યું હતું

હરીશના લગ્ન ચાર વર્ષ પહેલા જ લક્ષ્મી સાથે થયા હતા. માંમીદગુડા ગામમાં રહેતું આ દંપતી આ વર્ષે પોતાના પહેલા બાળકની આશા રાખી રહ્યું હતું. બંને પતિ-પત્ની છેલ્લા કેટલાક દિવસોથી લક્ષ્મીના માતા-પિતાના ગામ મિનુરમાં રોકાયા હતા, કેમ કે એમનું ઘર ભોપાલપટનમના સ્વાસ્થ્ય કેન્દ્રની નજીક છે. ગોરલા પંચાયતમાં આવનારા મીનુરગામ બીજપુરથી ૪૩ કિમી, જયારે તાલુકાથી લગભગ ૧૫ કિમી દુર છે. જો કે, ગોરલા અને મીનુર વચ્ચે ચીન્તાવાગું નદી વહે છે.

હાજર નર્સ મદદ કરવાને બદલે લક્ષ્મીને ખખડાવી રહી હતી

હરીશની ફરિયાદ છે કે, હોસ્પિટલ સ્ટાફે તેમને આખી રાત રાહ જોવડાઈ હતી. ત્યારબાદ ૯ વાગે દુખાવાના લીધે લક્ષ્મીનું બ્લડ પ્રેશર ઘટવા લાગ્યું અને હાજર નર્સ મદદ કરવાને બદલે લક્ષ્મીને ખખડાવી રહી હતી. ત્યારબાદ તેમણે ઓન ડ્યુટી ડોક્ટરને બોલાવ્યા, જેમણે ત્યાં સુધી ડ્યુટી માટે રિપોર્ટ પણ કર્યો નહોતો. રાત્રે ૧૦:૩૦ વાગ્યા આસપાસ ડોક્ટરોએ લક્ષ્મીની ડિલીવરી કરાવી હતી. જો કે બાળક મૃત પેદા થયું હતું.