OMG / ફ્લાઈટમાં 35,000 ફુટની ઊંચાઈ પર મહિલાએ બાળકને આપ્યો જન્મ, પેસેન્જરે કરાવી ડિલીવરી

• 35,000 ફુટની ઊંચાઈ પર મહિલાએ બાળકને જન્મ આપ્યો
• ફ્લાઈટમાં આ મહિલાએ બાળકને જન્મ આપ્યો
• પેસેન્જરોની મદદથી મહિલાની ડિલીવરી કરાવી

પ્રેગ્નેટ મહિલાએ આકાશમાં હજારો ફૂટ ઊંચાઈ પર ફ્લાઈટમાં એક નવજાતને જન્મ આપ્યો છે. ગર્ભવતી મહિલાની ડિલીવરી કરવા માટે ફ્લાઈટમાં સવાર નર્સ પતિ-પત્ની કપલે મહત્વની ભૂમિકા ભજવી હતી. બાળકનો જન્મ ત્યારે થયો જ્યારે ફ્લાઈટ 35,000 ફુટની ઉંચાઈ પર ઉડી રહી હતી. નર્સ પતિ-પત્ની આજ ફ્લાઈટમાં લંડનથી કુવૈત જઈ રહ્યા હતા. બાદમાં તેેમને બીજી ફ્લાઈટથી કુવૈતથી મનીલા માટે જવાનું હતું. ખાસ વાત એ છે કે, નર્સ અને પ્રેગ્નેટ મહિલા બંનેના નામ શેરિલ હતા.

આ જ ફ્લાઈટમાં એક નર્સ દંપત્તિએ કરી મદદ

બ્રિટેનના સ્ટોક ઓન ટ્રેંટમાં રહેતું દંપત્તિ શેરિલ અને રુએલ પાસ્કુલા ફ્લાઈટમાં બેઠા હતા. આ બંને 2 ઓગસ્ટના રોજ પોતાની ફ્લાઈટથી ફિલીપાઈન્સ જઈ રહ્યા હતા. બંને ટ્રેંટહમ (બ્રિટેન)ના એનજી હેલ્થકેયરમાં નર્સ તરીકે કામ કરે છે. લગભગ 35,000 ફુટની ઊંચાઈ પર કેબિન ક્રૂના સભ્યો સાથે અંદર મેડિકલ પ્રોફેશનલ્સને કોલ કર્યો. 

ફ્લાઈટની અંદર બે નર્સ પહેલાથી હતી. આ બંનેની મદદ શેરિલ અને રુએલ પાસ્કુલાએ કરી. શેરિલે જણાવ્યું હતું કે, જ્યારે મેં પ્રેગ્નેટ મહિલાનું ચેકઅપ કર્યું તો, ખબર પડી કે, તે ક્રાઉનિંગ સ્ટેજમાં છે. ક્રાઉનિંગ સ્ટેજના થોડા સમય બાદ મહિલા બાળકને જન્મ આપે છે. ત્યાર બાદ મેં રુએલને મદદ માટે બોલાવ્યો. થોડા સમય બાદ બાળકનો જન્મ થઈ ગયો.

પ્રથમ વાર ફ્લાઈટમાં નર્સે કરાવી ડિલીવરી

શેરિલે જણાવ્યું હતું કે, બાળકનો જન્મ થયો પણ તે 24 અઠવાડીયાનું પ્રી મેચ્યોર હતું. આ પ્રથમ વાર હતું જ્યારે કોઈ પ્રેગ્નેટ મહિલાની ફ્લાઈટમાં ડિલીવરી કરાવી હોય. તેમની પાસે ફ્લાઈટમાં મેડિકલ સાધનો પણ નહોતા.

શેરિલે વાતચીતમા પોતાના અનુભવ સૌથી અલગ ગણાવ્યો હતો. શેરિલે ફ્લાઈટમાં સવાર અન્ય એક નર્સ કાર્લોસ એબંગનને પણ યાદ કરી. તેમનુ પણ આ ડિલીવરી કરાવામાં મહત્વનો ફાળો હતો. નવ કલાકની ફ્લાઈટમાં તેમને બાળકો અને તેમની માતા પર પુરતુ ધ્યાન આપ્યું.

શેરિલે જણાવ્યું કે, ડિલીવરી થયા બાદ બાળકને હોસ્પિટલના ICUમાં ભરતી કરાવામાં આવ્યું. બાળકને વેન્ટીલેટર પર રાખવામાં આવ્યું અને હવે તે ઠીક છે. શેરિલે આગળ કહ્યું કે, આ ઘટનાને ચમત્કાર માને છે.