અમેરિકાની વીઝા નીતિમાં થઈ શકે છે મોટો ફેરફાર થવા જઈ રહ્યો છે. અમેરિકા જનારી ગર્ભવતી મહિલાઓ માટે વીઝા લેવાનું હવે મુશ્કેલ બની શકે છે. વિદેશીઓ `જન્મજાત નાગરિકતા' કાયદાનો ઓછો લાભ લે તે માટે ટ્રમ્પ સરકાર નવા પ્રયાસ કરી રહી છે. નિયમમાં કહેવાયું છે કે મહિલાને અમેરિકી વીઝા મેળવવા માટે કાઉન્સલર ઓફિસરને સમજાવવાના રહેશે કે અમેરિકા આવવા માટે તેમની પાસે યોગ્ય કારણ છે.
ટ્રમ્પ સરકાર નાગરિકતા કાયદામાં ફેરફાર લાવશે
`જન્મજાત નાગરિકતા' બનશે ભૂતકાળ
વિદેશીઓને મોટી મુશ્કેલી, બાળકોના નામે નહીં મળે નાગરિકતા
અમેરિકામાં ટ્રંપ પ્રશાસને વીઝા પર કેટલીક નવી પાબંધી લાવવાનું વિચાર્યું છે. જેમાં એવી મહિલાઓ પર પાબંધી લગાવવામાં આવશે જે બાળકોને જન્મ આપવા માટે અમેરિકા જવા ઈચ્છે છે જેથી તેમના બાળકોને અમેરિકી પાસપોર્ટ મળી શકે. આ ઘટનાક્રમથી બે અમેરિકી અધિકારીઓએ જણાવ્યું કે વિદેશ વિભાગ ગુરુવારે એટલે કે આજે આ નિયમ જાહેર કરી શકે છે.
નવા નિયમથી ગર્ભવતી મહિલાઓ માટે વીઝા લેવાનું હવે મુશ્કેલ બની શકે છે
આ નવા નિયમથી ગર્ભવતી મહિલાઓને માટે પર્યટન વીઝા પર મુસાફરી કરવાનું મુશ્કેલ બનશે. નિયમમાં કકહેવાયું છે કે મહિલાને અમેરિકી વીઝા મેળવવા માટે કાઉન્સલર ઓફિસરને સમજાવવાના રહેશે કે અમેરિકા આવવા માટે તેમની પાસે યોગ્ય કારણ છે. તંત્ર અવર જવરના નિયમો પર પાબંધી લગાવી રહ્યું છે પરંતુ ડોનાલ્ડ ટ્રમ્પે ખાસ કરીને જન્મજાત નાગરિકતાના મુદ્દા પર કડક વલણ અપનાવ્યું છે. તેમનો હેતુ બિન અમેરિકી નાગરિકોના બાળકોને અમેરિકામાં જન્મ લેવાની સાથે મળનારી નાગરિકતાના અધિકારને ખતમ કરવાનો છે.
અમેરિકામાં 'બર્થ ટૂરિઝમ' ઘણો વિકસી રહ્યો છે
'બર્થ ટૂરિઝમ' અમેરિકા અને વિદેશોમાં ઘણો વિકસી રહ્યો છે. અમેરિકી કંપનીઓ તેની જાહેરાત પણ આપે છે અને હોટલના રૂમ અને સ્વાસ્થ્ય સુવિધાઓ માટે 80 હજાર ડોલર વસૂલે છે. રશિયા અને ચીન જેવા દેશોની મહિલાઓ બાળકોને જન્મ આપવા માટે અમેરિકી આવે છે.ડોનાલ્ડ ટ્રમ્પના રાષ્ટ્રપતિ બન્યા બાદ અમેરિકા આ પ્રકારના ચલણનો વિરોધ કરી રહ્યું છે.