કરીના કપૂર ખાન તેની સ્ટાઈલ સ્ટેટમેન્ટ અને ફેશન સેન્સને કારણે હમેશા ચર્ચામાં રહે છે. તેના ગ્લેમરસ લુક્સને તો ફેન્સ પસંદ કરે જ છે સાથે જ તેના મેટરનિટી લુક્સના પણ ખૂબ જ ચર્ચા થઈ ચૂક્યા છે. બેબો ફરી એકવાર મોમ બનવાની છે અને આ વખતે પણ તેની સ્ટાઈલની ચર્ચા થઈ રહી છે.
રવિવારે સૈફનો 50મો બર્થડે સેલિબ્રેટ કરાયો
આ અવસર પર કરીનાએ ખૂબ જ સુંદર કાફ્તાન પહેર્યું હતું
રવિવાર 16 ઓગસ્ટે સૈફ અલી ખાને તેનો 50મો બર્થડે સેલિબ્રેટ કર્યો અને આ દિવસે બેબોની સ્ટાઈલની ખૂબ ચર્ચા થઈ રહી છે. કરીના કપૂર ખાને સૈફના બર્થડે સેલિબ્રેશન માટે પિંક કલરનો સિલ્ક કાફ્તાન પહેર્યો હતો, જેમાં તે ખૂબ જ સુંદર લાગી રહી હતી.
આ સેલિબ્રેશનના ફોટોઝ અને વીડિયો સોશિયલ મીડિયા પર વાયરલ થઈ રહ્યાં છે. એવામાં જો તમે વિચારી રહ્યાં છો કે બેબોની આ સુંદર ડ્રેસ કેટલી મોંઘી હશે, તો તમને જણાવી દઈએ કે, બેબોએ જે સિલ્કનો કાફ્તાન પહેર્યો છે તે રાજદીપ રાનાવતના લેબલનો છે. આ અટેચ્ડ બેલ્ટવાળા પ્રિન્ટેડ સિલ્ક કાફ્તાનની કિંમત 24 હજાર રૂપિયા છે. આ કાફ્તાન સાથે કરીનાએ ક્યૂટ ઈયરિંગ્સ પહેર્યા હતા અને પોનીટેલ બનાવી હતી. તેણે નો મેકઅપ લુક કેરી કર્યો હતો.
જ્યારે સૈફ અલી ખાને પણ બેબો સાથે મેચ કરવા પિંક કુરતો અને વ્હાઈટ પાયજામો પહેર્યો હતો. સૈફ આ સેલિબ્રેશનમાં ડેસિંગ લાગી રહ્યો હતો. તમને જણાવી દઈએ કે, બંને ફરી પેરેન્ટ્સ બનવાના છે અને બંને ખૂબ જ એક્સાઈટેડ છે. વર્કફ્રંટની વાત કરીએ તો કરીના આમિર ખાન સાથે ફિલ્મ લાલ સિંહ ચડ્ડામાં કામ કરી રહી છે. હાલમાં જ તે શૂટિંગ સેટ પર પરત ફરી છે.