સલામ / કોરોના વૉરિયર્સઃ આઠ મહિનાનો ગર્ભ છતાં આ મહિલા પોલીસકર્મી ફરજ પર અડગ

• ગર્ભવતી મહિલાના ઘરે પારણું બાંધવાના બદલે ફરજ પર
• દેશને કોરોનાથી બચાવવા ફરજ નિભાવીશું
• VTV એ મહિલા પોલીસકર્મીની કામગીરીને કરી રહ્યું છે સલામ

અત્યારના સમયની વાત કરીએ તો લોકડાઉનની સ્થિતિમાં પોલીસ પોતાના જીવ કે પરિવારની ચિંતા કાર્ય વગર ખડેપગે ફરજ નિભાવી રહી છે. લોકોના મનમાં પોલીસની છાપ હંમેશા માટે નકારાત્મક રહેલી છે. જોકે ક્યારેક કેટલાક પોલીસ જવાનોનું કામ ખરા અર્થમાં સન્માનલાયક હોય છે. અત્યારના સમયની વાત કરીએ તો લોકડાઉનની સ્થિતિમાં પોલીસ પોતાના જીવ કે પરિવારની ચિંતા કર્યા વગર ખડે પગે ફરજ નિભાવી રહી છે. આવી જ એક મહિલા પોલીસ કર્મચારી પણ છે જેના ઘરે પારણું બંધાવાનું છે છતાં તે કોરોના વાયરસની લડાઈમાં ખડેપગે ઊભી રહી છે.

કોરોનાના સંક્રમણ સામે સમગ્ર દેશ એક થઈને લડી રહ્યો છે. ત્યારે પોલીસની વાત કરીએ તો પોલીસ પણ હાલ તન અને મનથી પોતાની ફરજ નિભાવી રહી છે. અનેક પોલીસ અધિકારી અને કર્મચારી એવા છે કે કોરોનાના ભયમાં કારણે પોતાના પરિવારથી દૂર રહે છે. તો બીજી તરફ કેટલાક પોલીસ કર્મચારી એવા છે કે જેમને પોતાના પરિવારની સમસ્યા કરતા પહેલા ફરજને પ્રાધાન્ય આપ્યું છે.

ફરજ નિભાવતી પારૂલબેન સોલંકી મહિલા પોલીસ કોન્સ્ટેબલ કે જે હાલ ગર્ભવતી હોવા છતાં પણ ફરજ નિભાવી રહ્યા છે. હાલ તેમને આઠ મહિનાનો ગર્ભ છે છતાં તેઓ તેમની તબિયતની ચિંતા કર્યા વગર દેશવાસીઓની ચિંતા કરી ફરજ નિભાવી રહ્યા છે. VTVGujarat.com પણ આવા નિષ્ઠાવાન કોરોના વોરિયર્સને સલામ કરી રહ્યું છે.

સ્ટોરીઃ દિવ્યા ચૌહાણ, રિપોર્ટર