વાયરલ / VIDEO : ગર્ભવતી કૂતરી સાથે હેવાનિયત, કોલેજ સ્ટુડન્ટ્સે હત્યા બાદ ફાંસી આપી, કઠણ કાળજાવાળા જોજો વીડિયો

• દિલ્હીની કોલેજમાં વિદ્યાર્થીઓની હેવાનિયત
• ગર્ભવતી કૂતરીની કરી હત્યા
• હત્યા બાદ દોરડે લટકાવી
• કેમ્પસ પરિસરમાં જમીન પર ઘસડી

દક્ષિણ પૂર્વ દિલ્હીની ડોન બોસ્કો ટેક્નિકલ ઇન્સ્ટિટ્યૂટના 25 વિદ્યાર્થીઓ અને સ્ટાફના સભ્યોએ એક ગર્ભવતી કૂતરી પર ભયાનક અત્યાચાર આચર્યો હતો. આ લોકોએ પહેલા ગર્ભવતી કૂતરીને રીબાવી અને પછી તેની હત્યા કરી નાખી એટલું જ નહીં પરંતુ આરોપીઓએ માર્યા બાદ કૂતરીને દોરડે પણ લટકાવી હતી તથા જમીન પર ઢસડી હતી.

@DelhiPolice more than 20 students from Don Bosco Technical Institute, Zakir Nagar Delhi ganged up to kill a pregnant dog. They killed and then dragged her and dumped. Please take strict actions against them. @ArvindKejriwal @CPDelhi @SwatiJaiHind @asharmeet02 @rashmigautam27 pic.twitter.com/fB9VuiY9FI

— Streetdogsofbombay #Feedastrayeveryday (@streetdogsof) November 18, 2022

ઘટનાનો વાયરલ થયો વીડિયો
આ ભયાનક અત્યાચાર અને હત્યાનો વીડિયો વાયરલ થયા બાદ પોલીસ જાગી હતી અને આરોપીઓ સામે કેસ દાખલ કર્યો હતો. પ્રાણીના અત્યાચાર અને હત્યાના ભયાનક દૃશ્ય સાથેનો 15 મિનિટ લાંબો વીડિયો શનિવારે વાયરલ થયો હતો, જેમાં કાર્યકરો અને કૂતરા પ્રેમીઓએ ઓખલા સ્થિત સંસ્થાના વિદ્યાર્થીઓ હોવાની શંકા સાથે આરોપીઓ સામે કડક કાર્યવાહીકરવાની માંગ કરી હતી.આ ખળભળાટ મચાવનારા વીડિયોમાં વિદ્યાર્થીઓની એક ટોળકી સંસ્થાના કેમ્પસમાં એક ટીન શેડની અંદર ભયભીત કૂતરાને ઘેરી રહી છે, જેમાં એક વિદ્યાર્થી હાથમાં લાકડી લઈને દાખલ થાય છે, અને બાકીના વિદ્યાર્થીઓ બહારથી કવર કરીને ઊભા હતા જેથી કરીને તે બહાર ન જાય. 

ગાઝિયાબાદમાં કૂતરીને ફાંસીએ લટકાવાઈ 
ગાઝિયાબાદનો આવો જ બીજો એક વીડિયો સામે આવ્યો તેના થોડા જ દિવસોમાં આ ભયાનક કૃત્ય સામે આવ્યું હતું, જેમાં ત્રણ લોકોએ એક કૂતરાને વિચિત્ર રીતે ફાંસીએ લટકાવીને તેની હત્યા કરી હતી. આ બનાવના આરોપીઓ સામે ફરિયાદ બાદ પોલીસે ગુનો નોંધ્યો હતો.