કેરળમાં એક ગર્ભવતી હાથણીના મોત બાદ દેશભરમાં તેને ન્યાય અપાવવા દેશભથી માંગ ઉઠી રહી છે ત્યાં હિમાચલ પ્રદેશથી પણ એવી જ હૃદય ધ્રુજાવી દે તેવી ઘટના સામે આવતા આસપાસના વિસ્તારમાં ભારે આક્રોશની ભાવના જોવા મળી રહી છે અને તેનો વીડિયો પણ સોશિયલ મીડિયામાં ખૂબ વાયરલ થઇ રહ્યો છે.
હિમાચલ પ્રદેશમાં ગાયને ખવડાવ્યું વિસ્ફોટક
માલિકે વીડિયો બનાવીને ન્યાયની માંગણી કરી
પોલીસે ફરિયાદ દાખલ કરીને તપાસ હાથ ધરી
ગાય સાથે હાથણી જેવું જ કૃત્ય
કેરળમાં એક ગર્ભવતી હાથણીનાં મોત બાદ દેશમાં ફેલાઈ રહેલો ઉકળાટ હજુ શાંત પણ નથી થયો ત્યાં બીજી તરફ હિમાચલ પ્રદેશમાં એક ગાયની સાથે આવું જ કૃત્ય સામે આવ્યું છે. હિમાચલ પ્રદેશનાં ઝંડુતા વિસ્તારમાં એક ગર્ભવતી ગયાને વિસ્ફોટક ખવડાવવાનો મામલો સામે આવ્યો છે. આરોપ છે કે ગાય માલિકનાં પડોશીએ ગાયને વિસ્ફોટક ખવડાવ્યું અને જેના કારણે ગાય ઈજાગ્રસ્ત થઇ ગઈ.
પોલીસે ફરિયાદ નોંધી
આ ઘટનાંનો વીડિયો સોશિયલ મીડિયામાં પણ વાયરલ થઇ રહ્યો છે. આ વીડિયો ગાયના માલિક ગુરૂદયાલ સિંહે જ શેર કર્યો છે. આ વીડિયો સોશિયલ મીડિયામાં ખૂબ જ ઝડપથી વાયરલ થઇ રહ્યો છે જે બાદ હિમાચલ પોલીસે આ મામલે મામલે ફરિયાદ દાખલ કરીને મામલાની ગંભીર તપાસ કરવામાં આવશે.
વીડિયો બનાવીને માંગી મદદ
નોંધનીય છે કે આ ગાય એક ખેતરમાં ચરવા ગઈ હતી ત્યારે ગર્ભવતી ગાયના મોઢામાં જ વિસ્ફોટ થયો અને અને ગાયનું આખું જડબું ઉડી ગયું. ગાયને જે ઈજા થઇ તેનો વીડિયો બનાવીને તંત્રની મદદ માંગી. વીડિયોમાં ગાયનું જડબું ખૂબ જ ખરાબ રીતે ઈજાગ્રસ્ત થયેલ જોવા મળી રહ્યું છે.
થોડા સમય પહેલ હાથણીની થઇ હતી મોત
નોંધનીય છે કે થોડા સમય પહેલા જ કેરળમાં એક ગર્ભવતી હાથણીની મોત બાદ દેશભરમાં ગુસ્સો ફાટી નીકળ્યો હતો. સામાન્ય માણસોથી લઈને મોટા મોટા સિતારાઓએ ન્યાયની માંગણી કરી અને ખૂબ આંદોલન પણ ચલાવવામાં આવ્યું, જે બાદ કેન્દ્રીય મંત્રીઓએ પણ આ મુદ્દે નિવેદન આપ્યા એ મામલો હજુ શાંત પણ નથી પડ્યો ત્યાં ગયા સાથે જ આવી અમાનવીય ઘટના સમાઈ આવતા આસપાસનાં વિસ્તારમાં આક્રોશની ભાવના જોવા મળી રહી છે.