અરબી સમુદ્રમાં સર્જાયેલા વેલમાર્ક લો પ્રેસરને કારણે રાજ્યમાં વરસાદની આગાહી કરવામાં આવી છે ત્યારે આજે પણ વરસાદે ફરી ઝંઝાવાતી બેટીંગ શરૂ કર્યું છે. સોરાષ્ટ્રના ગીર સોમનાથના વેરાવળના ગ્રામ્ય પંથકમાં વરસાદ થયો છે. નાવદ્રા, ભેટાળી સહિતના ગામોમાં વરસાદ થયો છે. ભારે પવન સાથે વરસાદ વરસ્યો થયો છે. ખેડૂતોના મગફળીના ખેતરોમાં પાણી ફરી વળ્યાં છે.
સૌરાષ્ટ્ર સહિત દક્ષિણ ગુજરાતમાં વરસાદ
વરસાદને પગલે ખેડૂતો પરેશાન
સુરત જિલ્લામાં ફરી વાતાવરણમાં પલટો આવ્યો છે. જિલ્લામાં ભારે પવન સાથે વરસાદ થયો છે. કીમ, કોસંબા, માંગરોળ સહિતના વિસ્તારોમાં વરસાદ થયો છે. ભારે પવન ફૂંકાતા કીમ વિસ્તારમાં વીજળી જતી રહી હતી.
અમરેલીમાં પણ પડ્યો હતો વરસાદ
અચાનક વાતાવરણમાં પલટો આવતા ગુજરાતના વિવિધ વિસ્તારોમાં વરસાદ થઇ રહ્યો છે. ગતરોજ અમરેલીના ખાંભા અને જંગલ વિસ્તારમાં ધોધમાર વરસાદ થયો છે. શિરનેસ,પીપળવા અને ગીર પંથકમાં ગાજવીજ સાથે વરસાદ થયો છે. અનરાધાર વરસાદ વરસતા માલધારીઓ ચિંતિત થયા છે. આ વરસાદના કારણે માલધારીઓને પશુ ચરાવવામાં મુશ્કેલી થઇ રહી છે.
ખેડૂતો પરેશાન
રાજ્યમાં આ વર્ષે અત્યાર સુધીમાં 131 ટકા વરસાદ નોંધાયો છે. સરેરાશ 32.63 ઈચ સામે 42.92 ઈંચ વરસાદ નોંધાયો છે. 91 જિલ્લામાં 40 ઈંચથી વધુ વરસાદ નોંધાયો થયો છે. 131 તાલુકાઓમાં 20 થી 40 ઈંચ વચ્ચે વરસાદ વરસ્યો હતો જયારે 5 જીલ્લાના 75% ડેમ ઓવરફલો થઇ ચુક્યા છે. કપાસ અને મગફળીના પાકને વ્યાપક પ્રમાણમાં નુકશાન થવાથી ખેડૂતોએ માથે હાથ દઈને રડવાનો વારો આવ્યો છે.
પાછોતરા વરસાદે ગુજરાતને ઘમરોળ્યુ
મેઘરાજાએ આ વખતે જાણે જતા જતા ગુજરાતને ઘમરોળવાનું નક્કી કર્યુ હતુ તેમ સૌરાષ્ટ્રને અને ઉત્તર ગુજરાતને છેલ્લે છેલ્લે ભારે વરસાદને કારણે ઘણુ નુકસાન વેઠવુ પડ્યુ છે. ખાસ કરીને ઉભો પાક પાણીને કારણે કોહવાઈ ગયો છે. તો નદી નાળા છલકાવાને કારણે છેલ આવવાના બનાવો પણ બન્યા છે.
ચોમાસામાં ખેડૂતોને ભારે વરસાદને કારણે વેઠવાનો વારો આવ્યો
ખેડૂતોએ વાવણી કરી દીધી હતી વધુ વરસાદે તેને નિષ્ફળ બનાવી છે. માંડવી(મગફળી)નો પાક તો સદ્તર નિષ્ફળ નીવડવાની શક્યતાઓ છે. તો કપાસ અને ઉભો એરંડોનો પણ વધુ વરસાદ વેરી બન્યો હતો. ચોમાસુ પાકને ભારે નુકસાનથી ખેડૂતોની સ્થિતિ કફોડી થઈ છે.