સાવચેતી / ઑનલાઈન ફૂડ મંગાવતા હોવ તો ડિલીવરી લેતી વખતે આટલું ધ્યાન રાખશો તો ચિંતા નહીં રહે

• સુપર માર્કેટ કે પછી દુકાનોમાં જવામાં વધુ જોખમ
• ખોરાકની ડિલિવરી લેતા સમયે અમુક બાબતો ધ્યાનમાં રાખવી જરૂરી
• ડિલીવરી એજન્ટોને કોંટેક્ટલેસ ડિલિવરી માટે ખાસ તાલીમ અપાઈ 

આવી અસામાન્ય સ્થિતિમાં આપણે સાવચેત રહી આવાયરસને ફેલાતા રોકવા માટે તેમજ આપણી આસપાસના લોકોની સુરક્ષા માટે વધારાની સાવચેતી રાખવી અનિવાર્ય છે. આપણે ઘરમાં જે કંઈપણ લાવીએ તેને જંતુનાશકથી સ્વચ્છ કરવું.આમ કરવાથી કોરોનાવાયરસને ફેલાતા રોકી શકાય છે. આજે વિવિધ આરોગ્ય સંસ્થાઓએ લોકોને ઘરમાં સુરક્ષિત રહેવાના પગલાં દર્શાવ્યા છે, પરંતુ ફૂડ ડિલિવરી કેવી રીતે રિસીવ કરવી તે અંગેની માહિતી હજી સુધી ઘણા લોકો પાસે ઉપલબ્ધ નથી.

ખોરાકની સુરક્ષિત ડિલિવરી અંગેની માહિતી ના હોવાને લીધે ઘણા લોકો ઓનલાઈન ઓર્ડર કરવામાં સંકોચ અનુભવે છે. પરંતુ, અમે તમને જણાવીએ છીએ કે ઓનલાઈન ફૂડ ડિલિવરી કરવું બિલકુલ સેફ છે. જો કે, તમારે ખોરાકની ડિલિવરી લેતા સમયે અમુક બાબતો ધ્યાનમાં રાખવી જરૂરી છે. અહીં તમને જાણવા મળશે કે કઈ રીતે ડિલિવરીના પેકિંગને ખોલવું જેથી આ વાયરસના જોખમને પૂરી રીતે દૂર કરી શકાય.તો ચાલો સુરક્ષિત ફૂડ ડિલીવરી અંગેની સાચી માહિતીઑ મેળવીએ.

સુપરમાર્કેટમાં જવા કરતા ઑનલાઈન ફૂડ ઓર્ડર કરવું સલામત

સૌથી પહેલા તમને જણાવી દઈએ કે ઘરે બેઠા ઓનલાઈન ઓર્ડર કરવું તે સુપરમાર્કેટમાં જઈને ખરીદી કરવા કરતાં ઘણું સલામત છે. હાલની પરિસ્થિતિમાં સુપર માર્કેટ કે પછી દુકાનોમાં જવામાં વધુ જોખમ રહેશે. કારણ કે, ત્યાં વધુ પડતી ભીડ હોય અથવા લોકોના સંપર્કમાં આવી શકવાની શક્યતા વધી જાય છે. જો કે, ખોરાકની હોમ ડિલિવરીમાં પણ તમારે અમુક બાબતો ધ્યાનમાં રાખવી જરૂરી છે જેમ કે પેકેજને ખોલીને એક એક યોગ્ય રીતે સેનિટાઇઝ કરવું વગેરે.
 

લેવાય છે તમામ પ્રકારની સલામતીનું ધ્યાન

એસોસિયશન દ્વારા મળતી માહિતી મુજબ ઘણા બધા મોટા રેસ્ટોરેંટ અને ફૂડ હોમ-ડિલિવરી કંપનીઑએ ગ્રાહકોની સુરક્ષા ધ્યાનમાં રાખીને સ્વાસ્થ્ય પ્રોટોકોલોનું પાલન કરવાનું શરૂ કર્યું છે. ખોરાક રાંધવામાં ચોખ્ખાઈ, તાજું રાંધેલૂ ભોજન તેમજ આખી પ્રક્રિયા દરમિયાન કૂક થી માંડીને ડિલીવરી એજન્ટ દરેક વ્યક્તિ માસ્ક પહેરે તેની કંપની ખાતરી કરે છે. આ ઉપરાંત ડિલીવરી એજન્ટોને કોંટેક્ટલેસ ડિલિવરી (સંપર્ક વિનાની ડિલિવરી) માટે ખાસ તાલીમ પણ આપવામાં આવે છે. સંક્રમણનું જોખમ ન્યૂનતમ રહે તે માટે કંપનીઓઆ દરેક બાબતોનું ધ્યાન રાખે છે.

ફૂડ ડિલીવરી લેતા સમયે રાખો આટલું ધ્યાન

• ફૂડ ડિલિવરી રિસીવ કરતાં સમયે ધ્યાનમાં રાખવું કે તમે ડિલિવરી એજન્ટ સાથે કોઈપણ જાતના સંપર્કમાં ન આવો.
• હંમેશા તમારા ગ્લોવ્ઝ પહેરીને જ પાર્સલ રિસીવ કરવું.
• પાર્સલને કહી મૂકતા પહેલા કે મૂલ્ય બાદ તે જગ્યાને જંતુનાશક વડે સેનિટાઇઝ કરવું અને પેકેજ ને પણ સાફ કરી લેવું.
• ત્યાર બાદ,ખોરાકને એક સાફ વાસણમાં કાઢી લેવૂ અને પાર્સલની થેલીને કચરાપેટીમાં ફેકી દેવું.
• ત્યારબાદ તમારા હાથ પૂરી 20 સેકંડ સુધી સારી રીતે ધોઈ લેવા અને તમારા ચહેરાને સ્પર્શ કરવાનું ટાળવું.
• શક્ય હોય તો જમતી વખતે ચમચીનો જ ઉપયોગ કરવો.
• વિવિધ ફૂડ સ્ટાન્ડર્ડ એજન્સીઓએ સૂચવ્યું છે કે ભાણું ગરમ અને તાજું હોય ત્યારે જ ખાવું અથવા તો લગભગ 1-2 મિનિટ સુધી પ્રીહિટ કરીને પણ તમે જમી શકો છો.

તો ઘરે બેઠા તમારી ઓનલાઈન ઓર્ડર ના કરવાનું કોઈ કારણ નથી. તમારે ફક્ત પોતાની અને આસપાસના લોકોની સુરક્ષા માટે થોડીક વધુ સાવચેતી રાખવાની રહેશે.