આણંદ / કૃષિ યુનિવર્સિટી ખાતે પ્રિ-વાયબ્રન્ટ ગુજરાત ગ્લોબલ સમિટ સમાપન સમારોહ, કેન્દ્રીય ગૃહમંત્રીએ આપી હાજરી

• આણંદ કૃષિ યુનિવર્સિટી ખાતે કાર્યક્રમ
• પ્રિ-વાયબ્રન્ટ ગુજરાત ગ્લોબલ સમિટનો સમાપન સમારોહ
• કેન્દ્રીય ગૃહમંત્રી અમિત શાહ પણ કાર્યક્રમમાં રહ્યા હાજર 

આણંદ કૃષિ યુનિવર્સિટી ખાતે ત્રણ દિવસ માટે પ્રિ-વાયબ્રન્ટ ગુજરાત ગ્લોબલ સમિટનો કાર્યક્રમ થઈ રહ્યો છે ત્યારે આજે અંતિમ દિવસે  કેન્દ્રીય ગૃહ અને સહકારિતા મંત્રી અમિત શાહ હાજર રહ્યા હતા સાથે વડાપ્રધાન મોદીએ પણ વર્ચ્યુઅલી હાજરી આપી હતી. તેમની સાથે રાજયપાલ આચાર્ય દેવવ્રતજી, કેન્દ્રીય કૃષિમંત્રી નરેન્દ્રસિંહ તોમર, મુખ્યમંત્રી ભૂપેન્દ્ર પટેલ પણ જોડાયા હતા. 

પ્રિ-વાયબ્રન્ટ ગુજરાત ગ્લોબલ સમિટનો સમાપન સમારોહ

એગ્રો એન્ડ ફૂડ પ્રોસેસિંગ – એન્ટરીંગ એ ન્યુ એરા ઓફ કો-ઓપરેશન શીર્ષક હેઠળ આણંદ ખાતે કૃષિ યુનિવર્સિટી ખાતે યોજાયેલા આ કાર્યક્રમમાં નેચરલ ફાર્મિંગ અને ઝીરો બજેટ કૃષિ અંગે ખેડૂતોને વિશેષ માર્ગદર્શન આપવામાં આવ્યું હતું. તેમજ કૃષિ અને કૃષિકારોના કલ્યાણ માટે ટેક્નોલોજીના વિનિયોગ તથા નીતિ નિર્ધારણની બાબતો અંગે દેશ-વિદેશના તજજ્ઞો દ્વારા વિચારમંથન કરવામાં આવ્યું હતુ.