મુંબઇ અને તેની આસપાસનાં વિસ્તારોમાં એક લાંબા ગાળા બાદ ગર્જના સાથે સામાન્ય વરસાદ થયો છે. આ ગતિવિધીઓ મહારાષ્ટ્રનાં તટીય વિભાગો પર બનેલ એક સામાન્ય ટ્રક રેખાને કારણ થઇ છે. હવામાન નિષ્ણાંતોનું માનવું એમ છે કે આગામી 48 કલાકો સુધીમાં મુંબઇ અને તેની આસપાસનાં વિસ્તારોમાં આંશિક રૂપથી વાદળ છવાઇ રહેવા અને ગર્જના સાથે સામાન્ય વરસાદ થવાનાં એંધાણ છે. જો કે ત્યાર બાદ અહીં વાતાવરણ એક વાર ફરીથી સંપૂર્ણ રીતે શુષ્ક થવાની સંભાવના છે.
મુંબઇઃ એક બાજુ દેશમાં ખાસ કરીને ઉત્તર ભારતમાં કાળઝાળ ગરમી પડી રહી છે અને કેટલાંક સ્થળોએ તાપમાનનો પારો પ૦ ડિગ્રીએ પહોંચી ગયો છે ત્યારે સૂર્યના પ્રકોપ વચ્ચે એક રાહતના સમાચાર મળી રહ્યા છે. મહારાષ્ટ્રનાં પાટનગર મુંબઇમાં પ્રી-મોન્સૂન વરસાદ થયો છે, જેના કારણે મુંબઇગરાઓને દાહક ગરમીથી રાહત મળી છે.
મુંબઇમાં આજે સવારે વાદળો ઘેરાયાં હતાં અને થોડીવારમાં હળવો વરસાદ થયો હતો. હવામાન વિભાગનાં જણાવ્યાં અનુસાર મુંબઇમાં વરસાદના કારણે આગામી ૪૮ કલાક સુધી ગરમીમાંથી રાહત મળે એવું વાતાવરણ રહેશે, જોકે મુંબઇમાં થયેલ આ વરસાદ પ્રી-મોન્સૂન વરસાદના ભાગરૂપ છે.
7 જૂન સુધી ચોમાસું કેરળ પહોંચશે અને ખાનગી હવામાન એજન્સી સ્કાયમેટના જણાવ્યા અનુસાર મુંબઇમાં આ રીતનો પ્રી-મોન્સૂન વરસાદ થોડી મુશ્કેલી પણ ઊભી કરી શકે છે, કારણ કે મુંબઇમાં જો વરસાદ વહેલો આવે તો ત્યારબાદ તે લાંબો સમય ખેંચાઇ જાય છે અને અસલી ચોમાસું બેસવામાં સમય લાગે છે. સામાન્યતઃ મુંબઇમાં મે મહિનામાં જ પ્રી-મોન્સૂન વરસાદ શરૂ થઇ જાય છે, પરંતુ આ વખતે મે મહિનાના અંત બાદ પ્રી-મોન્સૂન વરસાદ આવ્યો છે. જો કેરળમાં ૭ જૂને ચોમાસું પહોંચશે તો દિલ્હીમાં જુલાઇ સુધીમાં વરસાદ આવી શકે છે. ગુજરાતમાં પણ જૂનની મધ્ય સુધીમાં ચોમાસું શરૂ થઇ શકે છે.