પૂર્વ ક્રિકેટર અને NRI મિત્તલ સરૈયા ગુમ થવાનો હાઈ વોલ્ટેજ ડ્રામાનો અંત પોલીસ અને પરિવારને હેરાનગતિ કેટલી યોગ્ય?

વડોદરામાંથી પૂર્વ ક્રિકેટર અને એનઆરઆઈ મિતલ સરૈયા ગુમ થવાના મામલે વડોદરા ક્રાંઈમ બ્રાન્ચને મોટી સફળતા મળી છે. ક્રાંઈમ બ્રાન્ચે દમણની હોટલમાંથી મિત્તલ સરૈયાને શોધી કાઢી પરિવારને સુપરત કર્યો. યુએસ ગ્રીન કાર્ડ હોલ્ડર અને વડોદરાના પૂર્વ ક્રિકેટર મિત્તસ સરૈયા અમેરિકાથી પોતાના પિતાની ખબર અંતર પુછવા આવ્યા હતા તે દરમિયાન તે ગુમ થઈ જતા પરિવારે કારેલીબાગ પોલીસ મથકમાં અપહરણની ફરિયાદ નોંધાવી હતી.

મિત્તલ ગુમ થતા સમયે તેના પાસે અમેરિકાની મોબાઈલ કંપનીનું સિમકાર્ડ હતું. જેથી પોલીસને તેને શોધવા કોઈ જ આધાર પુરાવા ન હતા. તેમ છતાં કારેલીબાગ પોલીસ અને ક્રાંઈમ બ્રાન્ચે 9 ટીમો બનાવી બાતમીના આધારો મિત્તલને દમણની એક ખાનગી હોટલમાંથી શોધી કાઢવામાં સફળતા મળી છે. પોલીસે મિત્તલ સરૈયાને તેના પરિવારને પરત સોપ્યો છે. 

પોલિસ પુછપરછમાં મિત્તલે ખુલાસો કર્યો છે કે તેના માથે અમેરિકામાં 1.25 કરોડનું દેવું થઈ ગયું હતુ જેથી તે ઘર છોડી જતો રહ્યો હતો અને દમણની હોટલમાં જ રહેતો હતો. મહત્વની વાત છે કે મિત્તલ દમણ 25 હજાર રૂપિયા લઈ ગયો હતો જેને 7 દિવસમાં 20 હજારનો ખર્ચ કર્યો. પોલીસે મિત્તલ મળી યુએસ કાઉન્સીલને પણ જાણ કરી. તો મિત્તલના પરિવારે પોલીસનો અમેરિકાથી પત્ર લખી આભાર વ્યકત કર્યો.

પૂર્વ ક્રિકેટર અને એનઆરઆઈ ગુમ મિત્તલ ગુમ થવાનો આખો હાઈ વોલ્ટેજ ડ્રામાનો આખરે અંત આવ્યો છે પરંતુ આ રીતે માથે દેવું વધી જતા ઘર પરિવાર છોડી જઈ પોલીસ અને પરિવારને હેરાન કરવું કેટલું યોગ્ય તે સવાલ મિત્તલ સામે ઉઠી રહ્યા છે.

પૂર્વ ક્રિકેટર અને એનઆરઆઈ ગમ થવાના મામલે વડોદરા પોલીસ ખુબજ ગંભીર હતી અને આખા મામલા માં ખુબજ સાવચેતીથી તાપસ કરવામાં આવી રહી હતી ત્યારે મિત્તલ સરૈયા દમણથી મળી આવવાની હકીકત બહાર આવતા પોલીસ અને પરિવારે હાકારો અનુભવ્યો છે અને અમેરિકા માં રહેલા મિત્તલના પુત્રીઓ અને પત્ની એ પણ પોલીસનો આભાર માન્યો છે જોકે આખા મામલામાં મિત્તલે જ પરિવારજનો અને પોલીસના દોડતા કર્યા હતા અને છેવટે તે સ્વગૃહે પરત ફર્યો છે.