ઉત્તર પ્રદેશ / CAAના વિરોધનો અજીબ કિસ્સોઃ કોંગી નેતાએ પૂર્વજોની કબર પર જઈ કર્યું એવું કામ કે હસવું રોકી નહીં શકો

• કોંગ્રેસી નેતાએ અલગ અંદાજમાં CAAનો વિરોધ કર્યો
• પૂર્વજોની કબર પર જઈને માંગ્યા દસ્તાવેજો
• અમને ડિટેન્શન સેન્ટરમાં મોકલવામાં આવે તો...

CAAનો અનોખો વિરોધ  કરવામાં આવ્યો

દેશભરમાં નાગરિક્તા કાયદાનો વિરોધ થઈ રહ્યો છે.  દિલ્હીનાં શાહિન બાગમાં છેલ્લાં એક મહિનાથી વધારે સમયથી મુસ્લિમ મહિલાઓ વિરોધ કરી રહી છે. દિલ્હી સિવાયનાં કેટલાય રાજ્યોમાં વિપક્ષી દળો પણ CAAનો પાછો ખેંચવા  માંગ કરી રહ્યાં છે. ત્યારે અમિત શાહે સ્પષ્ટ કરી દીધું છે કે કંઈ પણ થાય CAA લાગુ પડશે.  ત્યારે પ્રયાગરાજમાં એક કોંગ્રેસી નેતાએ CAAનો અનોખો વિરોધ કર્યો હતો. તે પોતાનાં પુર્વજોની કબર પર જઈ પોક મુકીને રડવા લાગ્યા હતાં. રડતા રડતા તેમણે પુર્વજો પાસે ભારતીય હોવાનાં પુરાવા માંગ્યાં હતાં.

Haseeb Ahmad, Congress: We don't have documents but we've been living in India since generations.We're asking our ancestors to testify that we're citizens of this country.We urge the govt that if we're sent to detention camps then remains of our ancestors be kept there too.(21.1) https://t.co/CmvHfjbCtx pic.twitter.com/KfsvfHAe8J

— ANI UP (@ANINewsUP) January 24, 2020

કોંગી નેતાએ પૂર્વજો પાસે  દસ્તાવેજો માંગ્યા 

સૂત્રોનાં જણાવ્યાંનુંસાર પ્રયાગરાજમાં કોંગ્રેસ નેતા હસીબ અહમદ CAAનો વિરોધ કરી રહ્યાં છે. ગુરુવારે હબીબ કબ્રસ્તાનમાં પહોંચ્યા હતાં અને પૂર્વજોની કબર પાસે જઈને રડવા લાગ્યાં હતાં.  કબર પાસે રડતા રડતા તેમણે પૂર્વજો પાસે ભારતીય હોવાના પુરાવા માંગ્યાં હતાં.  હસીબ અહમદે કહ્યું હતું કે અમારી પાસે દસ્તાવેજો નથી પરંતુ અમે ભારતમાં પેઢીઓથી રહીએ છીએ. અમે અમારા પૂર્વજોને કહ્યું કે અમને એ વાતનાં પુરાવા આપો કે  અમે ભારતનાં નાગરિક છીએ. અમે સરકારને કહ્યું છે કે, ‘જો અમને ડિટેન્શન સેન્ટરમાં મોકલવામાં આવે તો અમારા પૂર્વજોનાં અવશેષો પણ ત્યાં રાખીશું.’

બીજી તરફ યુપીમાં ઠેર ઠેર મહિલાઓનો વિરોધ ચાલું

ઉલ્લેખનીય છે કે ઉત્તર પ્રદેશનાં લખનઉમાં મહિલાઓનો  CAAનાં મુદ્દે  વિરોધ છેલ્લાં એક અઠવાડિયાથી ચાલી રહ્યો છે. પોલીસ પ્રદર્શનકારી મહિલાઓ પર કડક વલણ અપનાવી રહી છે અને કેસ નોંધ્યો છે. 2 દિવસ પહેલાં યૂપી પોલીસની તરફથી લખનઉમાં 3 કેસ નોંધવામાં આવ્યા હતાં. તેમાં જાણીતા શાયર મુનવ્વર રાણાની દીકરીના નામ પણ સામેલ છે.  યૂપીના કાનપુર, એટા, ઈટાવા, અલીગઢમાં પણ CAAને લઈને વિરોધ કરાઈ રહ્યો છે અને મહિલાઓ પ્રદર્શન કરી રહી છે. મહિલાઓનું કહેવું છે કે જ્યાં સુધી સીએએને મોદી સરકાર પાછો નહીં લે ત્યાં સુધી ધરણાં ચાલુ રહેશે.