KGF 2 એક્ટર પ્રકાશ રાજે ફિલ્મ ધ કશ્મીર ફાઈલ્સનાં વિરોધમાં એક પોસ્ટ કરી છે, જે કારણે તેઓ સોશિયલ મીડિયા પર ટ્રોલ થઇ રહ્યા છે. જુઓ આ પોસ્ટ
પ્રકાશ રાજે કરી ધ કશ્મીર ફાઈલ્સ વિરુદ્ધ પોસ્ટ
થયા સોશિયલ મીડિયા પર ટ્રોલ
ધ કશ્મીર ફાઈલ્સને પસંદ કરી રહ્યા છે દર્શકો
શું કહે છે પ્રકાશ રાજ?
પ્રકાશ રાજે એક વીડિયો પોસ્ટ કર્યો હતો, જે સિનેમાહોલની અંદરનો હતો. આ હોલમાં વિવેક અગ્નિહોત્રીની ફિલ્મ ધ કશ્મીર ફાઈલ્સ ચાલી રહી હતી. વીડિયોમાં એક માણસ ભડકાવનાર ભાષણ આપતો જોવા મળ્યો. આ વીડિયો શેર કરતા પ્રકાશ રાજે પોતાની પોસ્ટમાં લખ્યું કે - આ પ્રોપાગાંડા ફિલ્મ ઘા રૂઝી રહી છે કે ઘૃણા અને નફરતનાં બીજ વાવી રહી છે. પ્રકાશ રાજે હજી એક પોસ્ટ કરી હતી, જેમાં તેમણે આ ફિલ્મ વિરુદ્ધ લખ્યું હતું - ડીયર સુપ્રીમ એક્ટર સે પ્રોડયૂસર બને...શું તમે આ ફાઈલોને પણ બનાવશો અને રિલીઝ કરશો. આ પોસ્ટ સાથે તેમણે એક કોલાજમાં 6 તસવીરો શેર કરી છે. જેમાં પહેલા ફોટોમાં ગોધરા ફાઈલ્સ, દિલ્લી ફાઈલ્સ, જીએસટી ફાઈલ્સ, ડેમોનેટાઈઝેશન ફાઈલ્સ, કોવિડ ફાઈલ્સ and ગંગા ફાઈલ્સ લખ્યું હતું.
આ પોસ્ટને જોઇને સોશિયલ મીડિયા પર આ ફિલ્મના સપોર્ટર્સ ભડકી ઉઠ્યા. એક યૂઝર લખે છે કે પ્રકાશ રાજને આ ફિલ્મની સકસેસ જોઇને ઝટકો લાગ્યો છે. તો બીજો યૂઝર લખે છે કે શેમલેસ. અન્ય કોઈ લખે છે કે મૂવી તો ગાંધી પરિવાર પર પણ બનવી જોઈએ. ડીએનએનું શું મિશ્રણ છે.
એક યૂઝરે સવાલ કરતા પૂછ્યું કે તને શું લાગે છે કે ફિલ્મમાં કાલ્પનિક દર્શાવ્યું છે? પોતાની કોઈ ફિલ્મ જણાવો જે સત્ય ઘટના પર આધારિત હોય. તો કોઈ કહે છે કે બોયકોટ પ્રકાશ રાજ.
ફિલ્મ જીતી રહી છે દર્શકોના દિલ
ફિલ્મ પ્રોડયૂસર અને ડાયરેક્ટર વિવેક અનીહોત્રી આજકાલ પોતાની નવી ફિલ્મને લઈને ચર્ચામાં છે. કશ્મીરી પંડિતોની વેદના દર્શાવતી આ ફિલ્મ લોકોના દિલ જીતી રહી છે. લોકોની ભાવનાઓ આ ફિલ્મ સાથે જોડાયેલ છે. આ મુદ્દા પર પહેલા પણ ફિલ્મો બની હતી પરંતુ ક્યારેય આટલી ડેપ્થમાં આ મુદ્દા પર વાત કરવામાં આવી નથી. પરંતુ હવે વિવેક અગ્નિહોત્રીએ આ કરી બતાવ્યું છે. ફિલ્મને દેશભરની જનતાનો સપોર્ટ મળી રહ્યો છે અને સાથે જ સરકાર તરફથી પણ સમર્થન મળ્યું છે.
કશ્મીરી પંડિતોનાં નરસંહારની સ્ટોરી
ફીલ્મની સ્ટોરી વર્ષ 1990માં કશ્મીરી પંડિતોનાં નરસંહાર તથા તેમની સાથે થયેલા અન્યાય વિષે છે, જેમાં અનુપમ ખેર, મિથુન ચક્રવર્તી, દર્શન કુમાર અને પલ્લવી જોશીએ મુખ્ય ભૂમિકા નિભાવી છે. અભિષેક અગ્રવાલે પોતાના ટ્વીટર હેન્ડલ પર પીએમ મોદી સાથેની મુલાકાતની તસવીરો શેર કરતા પોતાના દિલની વાત સોશિયલ મીડિયા પર લખી છે.