કેન્દ્રિય કેબિનેટની સંસદ ભવનના એનેક્સી બિલ્ડિંગમાં યોજાયેલી બેઠક દરમિયાન નાગરિકતા સંશોધન અને વ્યક્તિગત ડાટા સુરક્ષા બિલ સહિત કેટલાંક મહત્વપૂર્ણ બિલને મંજૂરી આપવામાં આવી છે. આ કેન્દ્રિય કેબિનેટ બેઠકની અધ્યક્ષતા પ્રધાનમંત્રી નરેન્દ્ર મોદીએ કરી હતી.
કેબિનેટે આજે 6 બિલને મંજૂરી આપી છે
સિટીઝન અમેન્ડમેન્ડ બિલને કેબિનેટની મંજૂરી
સંસદમાં SC/ST રિઝર્વેશન 10 વર્ષ વધારવાનો નિર્ણય
કેન્દ્રિય કેબિનેટની બેઠક બાદ પ્રકાશ જાવડેકરે જણાવ્યું કે કેબિનેટમાં નાગરિકતા સંશોધન બિલને મંજૂરી આપી છે. આ બિલને થોડા જ દિવસોમાં ચર્ચા માટે સંસદમાં રજૂ કરવામાં આવી શકે છે.
કેબિનેટની બેઠકમાં વ્યક્તિગત ડાટા સુરક્ષા બિલ 2019ને પણ મંજૂરી આપી દીધી છે. આ બિલને પણ સંસદના વર્તમાન સત્રમાં રજૂ કરવામાં આવી શકે છે. કેબિનેટે ત્રણ સંસ્કૃત ડિમ્ડ યુનિવર્સિટી સ્થાપવાના બિલને મંજૂરી આપી દીધી છે.
કેન્દ્રિય કેબિનેટની બેઠકમાં આ સહિત જમ્મૂ-કાશ્મીર અનામત (સંશોધન) બિલ 2019ને પરત લેવાની મંજૂરી આપી દેવામાં આવી છે. જમ્મૂ અને કાશ્મીરના વિભાજન બાદ આ કાયદો બિનઅસરકારક થઇ ગયો છે. એવું અનુમાન લગાવામાં આવી રહ્યું છે કે આ બધા બિલ સરકાર સંસદના શિયાળુ સત્ર દરમિયાન ચર્ચા માટે રજૂ કરી શકે છે.
નાણામંત્રી નિર્મલા સીતારમણે જણાવ્યું કે કેબિનેટમાં ભારત બોન્ડ એક્સચેન્જ ફંડની શરૂઆત માટે મંજૂરી આપવામાં આવી છે. આની સાથે પ્રગતિ મેદાનમાં 5-સ્ટાર હોટલ બનાવવાની યોજનાને પણ મંજૂરી આપી દેવામાં આવી છે. સંસદમાં SC/ST રિઝર્વેશન 10 વર્ષ નિર્ણય વધારવાનો લીધો છે. રિઝર્વેશન 25 જાન્યુઆરી, 2020માં પૂર્ણ થઇ રહ્યું છે.