અમેરિકામાં રાષ્ટ્રપતિ ચૂંટણીના પરિણામોને લઈને હારેલા રાષ્ટ્રપતિ ટ્રમ્પ સાથે ચાલી રહેલા ડખાની વચ્ચે નવનિર્વાચીત પ્રમુખ બાયડન હાલમાં પોતાની કેબિનેટ નિર્માણ કરવાની દિશામાં મચી પડ્યા છે. આ જ શ્રેણીમાં ભારતીય મૂળની નીરા ટંડનને બાયડન દ્વારા ખૂબ જ મોટી જવાબદારી સોંપવામાં આવી છે.
નીરા ટંડનને વ્હાઇટ હાઉસમાં મળી મોટી જવાબદારી
વ્હાઇટ હાઉસના સર્વોચ્ચ પદ OMB ના ડિરેક્ટર બનાવાયા
જો સેનેટ મંજૂરી આપશે તો પદ પર નિયુક્ત થનારા પહેલા અશ્વેત મહિલા બનશે નીરા
જો બાયડને ભારતીય મૂળની નીરા ટંડન ને ઑફિશિયલી વ્હાઇટ હાઉસ ના સૌથી પ્રમુખ પદો પૈકીના એક મનાતા મેનેજમેન્ટ અને બજેટ ઑફિસની ડિરેક્ટર બનાવવાનું નક્કી કર્યું છે.
જો અમેરિકી સેનેટ તરફથી આ પદ માટે નીરા ટંડન ના નામને મંજૂરી મળી જાય છે તો તે આ પદ પર બિરાજવા વળી પ્રથમ અશ્વેત મહિલા હશે.
ભારતની બેટી હવે અમેરિકાનું બજેટ બનાવશે : પ્રેસિડેન્ટ ઇલેક્ટ બાયડન
જો બાયડને નીરા ટંડન ને હાલમાં વ્હાઇટ હાઉસના સર્વોચ્ચ પદ ગણાતા ઓએમબી ના ડાયરેક્ટર તરીકે નિયુક્ત કર્યા છે. આ દરમિયાન નીરાની પ્રશંસા કરતા બાયડને કહ્યું હતું, તેઓ એક સારા નીતિનિર્માતા છે અને વિવિધ સરકારો સાથે કામ કરવાનો અનુભવ પણ ધરાવે છે, વધુમાં બાયડને કહ્યું હતું કે ભારતની આ બેટી હવેથી અમેરિકાનું બજેટ બનાવશે.
I nominated @neeratanden to lead OMB because she's a brilliant policy mind with experience across government. She will help us control the virus, deal with the economic crisis, and build back better. And above all she believes what I believe: a budget should reflect our values. https://t.co/lDmnvaDwx4
જો બાયડને કહ્યું હતું કે ઓએમબી ના નિદેશક પદ પર નીરા ટંડન ની નિયુક્તિ કરું છું, હું જાણું છું કે તેમની માં ભારતથી આવેલી એક પ્રવાસ છે અને ઘણા પડકારોનો સામનો કરીને ઘણી મહેનત કરીને પોતાની દીકરીને અમેરિકા લાવીને તેના સપનાઓને પૂરા કર્યા છે.
તેણે તેની માતાની જેમ જ મહેનત કરી છે : બાયડન
બાયડને વધુમાં કહ્યું હતું કે નીરા એ પણ તેની માતાની જેમ જ મહેનત કરી છે અને લાખો અમેરિકન્સની મુશ્કેલીઓને તે સમજે છે. તેના પર બજેટ બનાવવાની સૌથી કપરી જવાબદારી હશે. જો કે મને વિશ્વાસ છે તેનાથી કોરોના સંકટનો સામનો કરવામાં મદદ મળશે. નીરા ટંડન એ આ જાહેરાત બાદ જો બાયડનનો આભાર માન્યો હતો.
કોણ છે નીરા ટંડન ?
નીરા ટંડન 2003 થી અમેરિકામાં રાજકીય ક્ષેત્રે કાર્યરત છે અને વિવિધ સરકારી પદો પર કામ કરવાનો બહોળો અનુભવ ધરાવે છે. તે પૂર્વ વિદેશમંત્રી હિલેરી ક્લિન્ટનની પણ નજીક હતી.