મધ્યપ્રદેશ / સાંસદ પ્રજ્ઞા ઠાકુર ગાયબ થયાના પોસ્ટર લાગ્યા તો ભાજપે કહ્યું અહીં સારવાર લઈ રહ્યાં છે

• પ્રજ્ઞા સિંહ ઠાકુરના 'ગુમ થયા' ના પોસ્ટર મધ્યપ્રદેશની રાજધાની ભોપાલના વિભિન્ન વિસ્તારોમાં લાગ્યા
• ભાજપના પ્રવક્તાએ કરી સ્પષ્ટતા, પ્રજ્ઞા ઠાકુર કેન્સર અને આંખોની સારવાર માટે હોસ્પિટલમાં દાખલ છે

જોકે આ પોસ્ટરોને લઇને ભાજપે સ્પષ્ટતા કરી છે. ભાજપના પ્રવક્તાએ સ્પષ્ટતા કરતા જણાવ્યું કે તેમણે કેન્સર અને આંખોની સારવાર માટે હોસ્પિટલમાં દાખલ થયા છે. અજ્ઞાત લોકો દ્વારા લગાવેલા પોસ્ટરોમાં કહેવામાં આવ્યું છે કે કોરોના વાયરસના પ્રકોપથી હેરાન ભાજપ સાંસદ ગાયબ છે. 

આ વચ્ચે પ્રજ્ઞા ઠાકુરે વીડિયો કૉલ પર એક મોબાઇલ હોસ્પિટલ સેવા શરૂ કરી છે. પ્રજ્ઞા સિંહે શહેરના બેરાગઢ ચિચલી ક્ષેત્રમાં સહકાર ભારતી દ્વારા સંચાલિત મોબાઇલ હોસ્પિટલ સેવા શરૂ કરી છે. સંગઠનના પદાધિકારી ઉમાકાંત દીક્ષિતે દાવો કર્યો કે તે ગાયબ થયો નથી. તેઓ ખરાબ તબીયતને કારણે દિલ્હીની એક હોસ્પિટલમાં દાખલ છે. 

જ્યારે ભોપાલ દક્ષિણ પશ્ચિમ ચૂંટણી ક્ષેત્રના કોંગ્રેસ ધારાસભ્ય અને પૂર્વ મંત્રી પીસી શર્માએ પોસ્ટરોનું સમર્થન કરતા કહ્યું કે લોકોએ આ સંકટપૂર્ણ સમયમાં પ્રજ્ઞા ઠાકુર ક્યાં છે તે જાણવાનો અધિકાર છે. 

શર્માએ દાવો કર્યો કે વરિષ્ટ કોંગ્રેસ નેતા દિગ્વિજય સિંહ શહેરમાં હતા અને લૉકડાઉન દરમિયાન લોકોની મદદ કરી રહ્યા હતા. ભાજપના પ્રવક્તા રાહુલ કોઠારીએ પીટીઆઇને જણાવ્યું કે ઠાકુરે પહેલા જ સ્પષ્ટ કરી દીધુ હતું કે તે કેન્સર અને આંખોની સારવાર માટે દિલ્હીના એમ્સમાં દાખલ છે. 

નોંધનીય છે કે આ પહેલા છિંદવાડામાં પૂર્વ મુખ્યમંત્રી કમલનાથ અને તેમના સાંસદ પુત્ર નકુલ નાથ અને ગ્વાલિયરના કોગ્રેસથી ભાજપમાં સામેલ થયેલા જ્યોતિરાદિત્ય સિંધિયા માટે આ પ્રકારના 'ગુમ થયા' ના પોસ્ટર લગાવાયા હતા.