VIDEO / સોશિયલ મીડિયામાં PSIની ભરતીની ચર્ચા મામલે ગૃહ રાજ્યમંત્રીનું મોટું નિવેદન, જાણો શું બોલ્યા

• સોશિયલ મીડિયામાં PSIની ભરતીની ચર્ચાનો મામલો
• ગૃહ મંત્રી પ્રદીપસિંહ જાડેજાની સ્પષ્ટતા
• પોલીસ ભરતીને લઇ સો.મીડિયામાં ગેરસમજ ઉભી થઇ રહી છે

ગાંધીનગર ખાતે એક પત્રકાર પરિષદને સંબોધન કરતા ગૃહ રાજ્યમંત્રી પ્રદિપસિંહ જાડેજાએ કહ્યું હતું કે, રાજ્યમાં પોલીસ ભરતીને લઇને સોશિયલ મીડિયામાં ગેરસમજ ઉભી થઇ રહી છે અને સરકાર અનામત નીતિને સંપૂર્ણ વરેલી છે. માટે ભરતીમાં કોઇ ફેરફાર નથી. 

અમારી સરકાર કોઇને અન્યાય થવા દેવા માગતી નથી 

આ સાથે જ તેમણે જણાવ્યું હતું કે, PSIની ભરતીને કેટલાક લોકો દ્વારા રાજકીય રંગ આપવામાં આવી રહ્યો છે પરંતુ અમારી સરકાર કોઇને અન્યાય થવા દેવા માગતી નથી. 

નિયમને લઈને સર્જાયો છે વિવાદ 

ગુજરાતમાં ભરતીઓ નથી થતી એટલા તો ભરતી-વિવાદ થાય છે. નિયમોને લઈને આ ભરતી વિવાદ સામે આવ્યો છે. રાજ્યમાં PSIની ભરતી પરીક્ષાને લઇને વિવાદના ભણકારા વાગી રહ્યાં છે. ભરતી પરીક્ષાના નિયમને લઇ અસમંજસતા જોવા મળી રહી છે. ભરતીમાં હોશિયાર ઉમેદવારોને અન્યાય થવાની ભીતિ છે. 

કુલ જગ્યાના 15 ગણા અથવા તમામને તક અપાશે

દોડ પાસ કરનાર તમામ ઉમેદવારોને પરીક્ષાની તક મળશે નહીં. કુલ ભરતીના 15 ગણા ઉમેદવારોને લેખિત માટે બોલાવાશે. કુલ જગ્યાના 15 ગણા અથવા તમામને તક અપાશે. જે સંખ્યા ઓછી હશે તેટલા ઉમેદવારો પરીક્ષા આપી શકશે. 

15 ગણા ઉમેદવાર બોલાવાશે તો?

જો 15 ગણા ઉમેદવાર બોલાવાશે તો અન્ય ઉમેદવારોને તક મળશે નહીં. PSIની 1382 જગ્યાઓના 15 ગણા એટલે 20 હજાર 730. જો 20 હજાર 730થી વધુ ઉમેદવારો દોડ પાસ કરશે તો લેખિત આપી શકે નહીં.

પોલીસબેડામાં 1382 ખાલી જગ્યાઓ માટે ભરતી

લાંબા સમયથી ગુજરાતમાં પોલીસની ભરતીની રાહ જોતા યુવાનો માટે હવે તક આવી ચૂકી છે. ગુજરાત પોલીસ વિભાગમાં અલગ અલગ જગ્યા પર ભરતીની જાહેરાત કરવામાં આવી છે. અને તેના ફોર્મ ભરવાની તારીખ પણ જાહેર કરી દેવાઈ છે. રાજ્યના પોલીસ બેડામાં ભરતીની જાહેરાત કરાઈ છે.

પોલીસબેડામાં 1382 ખાલી જગ્યાઓ માટે ભરતી કરાશે. બિન હથિયારધારી PSIની 202 જગ્યા, બિન હથિયારધારી મહિલા PSIની 98 જગ્યાઓ અને હથિયારધારી PSIની 72, પુરૂષ ઈન્ટેલિજન્ટ ઓફિસરની 18 જગ્યા માટે ભરતી કરાશે.

રાજ્યના પોલીસ બેડામાં ભરતીની જાહેરાત

• પોલીસબેડામાં 1382 ખાલી જગ્યાઓ માટે ભરતી
• બિન હથિયારધારી PSIની  202 જગ્યા
• બિન હથિયારધારી મહિલા PSIની 98 જગ્યાઓ
• હથિયારધારી PSI ની 72, પુરૂષ ઈન્ટેલિજન્ટ ઓફિસરની 18 જગ્યા
• મહિલા ઈન્ટેલિજન્ટ ઓફિસરની 9 જગ્યાઓની ભરતી
• બિન હથિયારધારી મદદનીશ સબ ઈન્સ્પેક્ટરની 659 જગ્યાઓ
• બિન હથિયારધારી મહિલા મદદનીશ સબ ઈન્સ્પેક્ટરની 324 જગ્યા
• 16 માર્ચથી ઉમેદવારો ઓનલાઈન ફોર્મ ભરી શકશે
• ojas.gujarat.gov.in પરથી ઓનલાઈન અરજી કરી શકાશે
• 31 માર્ચ સુધી ઉમેદવારોને ઓનલાઈન અરજી સ્વિકારાશે