ગર્ભવતી મહિલાઓને પોતાના સ્વાસ્થ્ય પર ખાસ ધ્યાન રાખવાની જરૂર હોય છે. એવામાં સરકાર તેમની મદદ માટે પ્રધાનમંત્રી સુરક્ષિત માતૃત્વ યોજનાની શરૂઆત કરી છે.
ગર્ભવતી મહિલા માટે સરકારની ખાસ યોજના
સારવારના ખર્ચ સહિત આપે છે આ સુવિધા
જાણો કઈ રીતે કરશો રજીસ્ટ્રેશન
દેશના દરેક વર્ગની મદદ માટે સરકાર અલગ અલગ યોજનાઓ ચલાવે છે. આ દરેક યોજનાઓનો હેતુ હોય છે દેશના ગરીબ વર્ગને પણ જરૂરી સુવિધાઓ જેવા કે મકાન, રાશન અને સ્વાસ્થ્ય સુવિધાઓનો લાભ મળી શકે છે. ગર્ભવતી મહિલાઓને પોતાના સ્વાસ્થ્ય પર ખાસ ધ્યાન રાખવાની જરૂર હોય છે. એવામાં સરકાર તેમની મદદ માટે પ્રધાનમંત્રી સુરક્ષિત માતૃત્વ યોજનાની શરૂઆત કરી છે.
આ યોજનાનો હેતુ એ છે કે દેશની આર્થિક રીતે કમજોર વર્ગની મહિલાઓને પણ ગર્ભાવસ્થા વખતે સારી સ્વાસ્થ્ય સુવિધાઓ મળી શકે. આ યોજના હેઠળ સરકાર શ્રમિક અને મજૂરી કરનાર મહિલાઓને આર્થિક અને સ્વાસ્થ્ય સંબંધી મદદ કરે છે.
હોસ્પિટલમાં મહિલાઓ કરાવી શકે રજીસ્ટ્રેશન
ઘણા વખત ગર્ભવતી હોવાના કારણે મહિલાઓ મજૂરીનુ કામ નથી કરી શકતી. એવી સ્થિતિમાં તેમની પાસે સારી સારવાર માટે પૈસાની કમી હોય છે. એવામાં સરકાર આ મહિલાઓને મફત સારવારની મદદ કરે છે. કોઈ પણ મજૂરી કરનાર મહિલા હોસ્પિટલમાં જઈને પોતાનું રજીસ્ટ્રેશન કરાવી શકે છે.
2016માં થઈ હતી સ્કીમની શરૂઆત
પ્રધાનમંત્રી સુરક્ષિત માતૃત્વ સ્કીમને કેન્દ્ર સરકારની સ્વાસ્થ્ય અને પરિવાર કલ્યાણ મંત્રલય દ્વારા ચલાવવામાં આવે છે. આ સ્કીમ હેઠળ મહિલાઓ ગર્ભાવસ્થા વખતે હોસ્પિટલમાં ફ્રીમાં સારવાર કરાવી શકે છે. સરકારે આ સ્કીમની શરૂઆત વર્ષ 2016માં કરી હતી.
સરકાર ઉપાડે છે ખર્ચ
સરકારે આ સ્કીમની મદદથી મહિલાઓને નજીકના હોસ્પિટલમાં અથવા નજીકના સ્વાસ્થ્ય કેન્દ્રમાં મફતમાં સારવારની સુવિધા આપી છે. આ ઉપરાંત જો મહિલાને ડિલિવરી વખતે કોઈ પણ પ્રકારની મુશ્કેલી થાય તો તેનો ખર્ચ પણ સરકાર ઉઠાવે છે.
આ યોજના હેઠળ સરકાર દરેક મહિલાઓને 5 હજાર રૂપિયા સુધી મફતમાં સારવારની સુવિધા આપે છે. તેની સાથે જ ગર્ભાવસ્થા વખતે મહિલાને હિમોગ્લોબિન તપાસ, બ્લડ ટેસ્ટ, યુરિન ટેસ્ટ, અલ્ટ્રાસાઉન્ડ વગેરે ટેસ્ટ કરવામાં આવે છે.
તેની સાથે જ ડિલિવરી વખતે જો મહિલાને કોઈ પ્રકારની મુશ્કેલી અને ઓપરેશનની જરૂર પડે છે તો સરકાર તેના માટે આર્થિક સહાયતા ઉપલબ્ધ કરાવે છે.
આ યોજનાનો લાભ લેવા મહિલા પોતાના ઘરની પાસેના સરકારી હોસ્પિટલમાં જઈને રજીસ્ટ્રેશન કરાવી શકે છે. તેની સાથે જ આ યોજનાનો લાભ શહેર અને ગ્રામીણ વિસ્તારમાં રહેનાર મહિલાઓ પણ લઈ શકે છે.