સીએસકે કેપ્ટન એમએસ ધોનીએ આઈપીએલ 2023 માટે તૈયારી શરૂ કરી દીધી છે. નેટમાં બેટીંગ પ્રેક્ટિસ કરવાનો એક વીડિયો વાયરલ થયો છે. આ વીડિયોમાં તેઓ પાવર હિટિંગ કરતા દેખાઈ રહ્યાં છે. માહીના પ્રશંસકો આ વીડિયોને ખૂબ પસંદ કરી રહ્યાં છે.
એમએસ ધોનીએ આઈપીએલ 2023 માટે તૈયારી શરૂ કરી?
નેટમાં બેટીંગ પ્રેક્ટિસ કરવાનો વીડિયો થયો વાયરલ
માહીના પ્રશંસકોએ આ વીડિયોને ખૂબ પસંદ કર્યો
ધોનીએ ટ્રેનિંગ સેશનમાં જઇને પરસેવો પાડ્યો
આઈપીએલની આગામી સિઝનની શરૂઆત પહેલા ધોનીએ ટ્રેનિંગ સેશનમાં જઇને પરસેવો પાડ્યો. ધોનીનો એક વીડિયો વાયરલ થયો છે. જેમાં CSKના કેપ્ટન બેટીંગ સત્ર દરમ્યાન પાવર હિટીંગ કરતા દેખાયા. છેલ્લાં બે વર્ષમાં આઈપીએલની સિઝનમાં ધોનીની બેટીંગ સામાન્ય રહી છે. ધોનીની ગણના હવે ખતરનાક બેટરોમાં થતી નથી. જેને કારણે 41 વર્ષીય વિકેટકીપર બેટર બેટીંગમાં ધાર લાવવા માટે અત્યારથી પ્રશિક્ષણ સત્રમાં ભાગ લેવા લાગ્યા છે. અન્ય ક્રિકેટરોને વિપરીત ધોની ઘરેલુ ક્રિકેટ રમતા નથી અને ઉંમર પણ હવે થઇ છે. ધોનીની બેટીંગ તેમની ફિટનેસ પર કેન્દ્રીત રહે છે. જેને પગલે ધોનીએ પ્રેક્ટિસ શરૂ કરી દીધી છે.
ધોનીનો બેટીંગ કરતો વીડિયો થયો વાયરલ
વાયરલ વીડિયોમાં ધોની બેટીંગ કરી રહ્યાં છે. તેઓ ટ્રેનિંગ સત્ર દરમ્યાન ખૂબ પરસેવો પાડી રહ્યાં છે. આ સાથે પોતાના શૉટ સિલેક્શન પર પણ કામ કર્યુ. મહત્વનું છે કે સીએસકેના મેનેજમેન્ટ કોચ સ્ટીફન ફ્લેમિંગ અને કેપ્ટન ધોનીના નેતૃત્વમાં ફેબ્રુઆરી અથવા માર્ચમાં ચેન્નઈમાં એક વિશેષ શિબિર આયોજીત કરી શકે છે. જેમાં ખેલાડી ટ્રેનિંગ લઇ શકે છે.
ઉલ્લેખનીય છે કે આઈપીએલ 2023 ધોનીની છેલ્લી આઈપીએલ સિઝન હોઇ શકે છે. ધોની ચેપૉકમાં પોતાની છેલ્લી આઈપીએલ રમવાની વાત પહેલા જ કહી ચૂક્યા છે. એવામાં સીએસકે મેનેજમેન્ટ તેમના ગયા બાદ ટીમના કેપ્ટન તરીકે વિકલ્પ તપાસી રહી છે. આઈપીએલ મિની ઑક્શનમાં બેન સ્ટોક્સને ખરીદીને તેનો એક સંકેત આપ્યો છે. તો કેપ્ટન માટે ઋતુરાજ ગાયકવાડનુ નામ પણ ચર્ચામાં છે.