મનોરંજન / 'આ લોકો શું પાગલ થઈ ગયા છે?' ,'આદિપુરુષ'માં રામ બનેલ પ્રભાસની ચાહકોએ કરી પૂજા, VIDEO જોઈને લોકો ભડક્યા

• ફિલ્મ 'આદિપુરુષ' પર વિવાદ સતત વધતો જ જાય
• એવામાં લોકો 'આદિપુરુષ' રામ એટલે કે પ્રભાસની પૂજા કરી રહ્યા છે 
• આ વીડિયો હૈદરાબાદના એક સિનેમા હોલનો છે.

બાહુબલી ફેમ પ્રભાસ અને સૈફ અલી ખાન સ્ટારર ફિલ્મ 'આદિપુરુષ' પર વિવાદ સતત વધતો જ જાય છે. 2 ઓક્ટોબરે અયોધ્યામાં ફિલ્મનું ટીઝર લોન્ચ કર્યા બાદ સોશિયલ મીડિયા પર તમામ પ્રકારના રીએક્શન જોવા મળે છે. એમાંથી ઘણા લોકો એવું પણ કહે છે કે આ ટીઝરને 'ગેમ ઓફ થ્રોન્સ' પરથી કોપી કરવામાં આવ્યું છે. અને આ વચ્ચે ઘણાં લોકોએ ફિલ્મનાં ટીઝરથી લઈને સૈફના લુક વિશે ઘણી નકારાત્મક વાત કરી છે. સર્વ બ્રાહ્મણ મહાસભાએ ગુરુવારે ફિલ્મ 'આદિપુરુષ'ના નિર્દેશક ઓમ રાઉતને નોટિસ મોકલીને 7 દિવસની અંદર ફિલ્મમાંથી અમુક સીન હટાવવાની અને જાહેરમાં માફી માંગવાની માંગ કરી છે. 

લોકો 'આદિપુરુષ' રામ એટલે કે પ્રભાસની પૂજા કરી રહ્યા છે 
જો કે આટલા વિરોધ વચ્ચે આજે ફરી એક વખત  ફિલ્મ 'આદિપુરુષ' હેડલાઈન્સમાં છે પણ આ વખતે કોઈ નકારાત્મક પાસાને લઈને નહીં પણ પ્રભાસના ચાહકોએ કઇંક એવું કર્યું કે એમનો વિડીયો હાલ સોશ્યલ મીડિયા પર ઘણો વાયરલ થયો અને લોકો મૂંઝવણમાં મુકાયા કે 'આ લોકો શું પાગલ થઈ ગયા છે?' જણાવી દઈએ કે પ્રભાસ અને સૈફ અલી ખાનના ચાહકોને ફિલ્મ 'આદિપુરુષ'નું ટીઝર પસંદ આવ્યું છે અને વાત ત્યાં સુધી પંહોચી ગઈ છે કે લોકોની ભીડ 'આદિપુરુષ' રામ એટલે કે પ્રભાસની પૂજા અને આરતી કરી રહ્યા છે. 

વિડીયો થયો વાયરલ 
એક વીડિયો સામે આવ્યો છે જેમાં લોકો ફિલ્મ 'આદિપુરુષ' માં રામ બનેલ પ્રભાસની આરતી કરી રહ્યા છે. જાણવા મળ્યું છે કે આ વીડિયો હૈદરાબાદના એક સિનેમા હોલનો છે. ત્યાં સિનેમા હોલની બહાર ચાહકોની આ ભીડ 'આદિપુરુષ'ના રામના પોસ્ટરની આરતી કરીને એમનો ફિલ્મ પ્રત્યે પ્રેમ જતાવી રહ્યા છે. અને હાલ સોશ્યલ મીડિયા પર આ વિડીયો ઘણો વાયરલ થઈ રહ્યો છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Voompla (@voompla)

જો કે આ પછી 'આદિ પુરુષ'ના રામની આ રીતે પૂજા કરવા પર ઘણા લોકોએ આશ્ચર્ય વ્યક્ત કર્યું છે અને યુઝર અલગ અલગ કમેન્ટ કરી રહ્યા છે, જએમાં એક યુઝરે લખ્યું છે કે 'આ લોકોને મગજમાં તાવ ચઢી ગયો છે' તો બીજા એ કહ્યું કે 'આ લોકો શું પાગલ થઈ ગયા છે?' અન્ય એક યુઝરે લખ્યું કે 'આ લોકો કોણ છે, આ લોકો ક્યાંથી આવે છે.' આ સિવાય બીજા ઘણા સોશિયલ મીડિયા યુઝર્સે કોમેન્ટ કરી છે.