હાહાકાર / કોરોના વકરતા કેટલાક રાજ્યોમાં થિયેટર બંધ થતા સાઉથની આ 2 જોરદાર ફિલ્મોની રિલીઝ મોકૂફ

• કોરોનાના હાહાકારથી ફિલ્મ ઈન્ડસ્ટ્રી દહેશતમાં
• જરસી, પૃથ્વીરાજ અને RRR જેવી મોટી ફિલ્મોની રિલીઝ પોસ્ટપોન્ડ
• રાધે શ્યામ અને વાલિમઈની રિલીઝ પણ પોસ્ટપોન્ડ

રાધે શ્યામ અને વાલિમઈની રિલીઝને ટાળી દેવાઈ

હવે તેલુગૂ સુપરસ્ટાર પ્રભાસની રાધે શ્યામ અને તામિલ સુપરસ્ટાર અજીત કુમારની વાલિમઈની રિલીઝને પણ ટાળી દેવામાં આવી છે. છેલ્લાં ઘણાં સમયથી પ્રભાસ અને પૂજા હેગડેની મુખ્ય ભૂમિકાવાળી રાધે શ્યામની રિલીઝની આતુરતાપૂર્વક રાહ જોવાઈ હતી. આ ફિલ્મ 14 જાન્યુઆરી 2021ના રોજ રિલીઝ થવાની હતી. પહેલા એવુ કહેવામાં આવી રહ્યું હતુ કે તેની રિલીઝ ટાળવામાં આવશે નહીં. પરંતુ કેટલાંક રાજ્યોમાં થિયેટરો બંધ થયા બાદ હવે નિર્માતાઓએ ફિલ્મોને રિલીઝ કરવાનું ટાળ્યું છે.  

તામિલનાડુમાં થિયેટરોને બંધ કરવાના આદેશ આપી દેવાયા

આ રીતે 13 જાન્યુઆરી 2021ના રોજ તામિલ સુપરસ્ટાર અજીત કુમારની એક્શન ફિલ્મ 'વાલિમઈ' પણ રિલીઝ થવાની હતી. તેની રિલીઝને પણ ટાળી દેવામાં આવી છે. કારણકે કોરોનાના વધી રહેલા કેસોને જોઈને તામિલનાડુમાં થિયેટરોને બંધ કરવાના આદેશ આપી દેવામાં આવ્યાં છે. કહેવામાં આવી રહ્યું છે કે કોરોનાની સ્થિતિને જોઈને હવે આ ફિલ્મને ઉનાળામાં રિલીઝ કરી શકાય છે.