ના હોય / કરોડો રૂપિયા ફી વસૂલનાર સુપરસ્ટાર પ્રભાસ ગળાડૂબ દેવામાં : રકમ જાણીને આંખો પહોળી થઇ જશે

• દેવાદાર પ્રભાસ 
• બંને કંપની ડૂબી ખોટમાં 
• રાધેશ્યામથી પ્રોડ્યુસર્સને છે આશા 

સાઉથની ફિલ્મોના સુપરસ્ટાર પ્રભાસના અગણિત ફેન્સ છે. હાલમાં જ એક્ટર વિશે એક ચોંકાવનારી માહીતી સામે આવી છે કે તે 1000 કરોડ રૂપિયાનો કરજદાર છે. રિપોર્ટ્સનું જો માનીએ તો આ દેવું તેની પ્રોડક્શન કંપની યુવી ક્રિએશન્સ અને વી સેલ્યુલાઇડના નુકસાનને કારણે વધ્યું છે. કોરોના વાયરસના કારણે પ્રભાસની કંપનીઓને ખાસુ નુકસાન થયુ છે અને તેના કારણે આટલુ દેવુ થઇ ગયુ છે. 

વર્ષ 2020માં દુનિયાભરમાં ફેલાયેલા કોરોના વાયરસના કારણે ફિલ્મ જગતને ખુબ જ નુકસાન થયુ હતુ અને આ વર્ષે ઇન્ડસ્ટ્રી કેટલુ કમાશે તેનો ક્યાસ ન લગાવી શકાય. પ્રભાસની બંને કંપનીનું મળીને 1000 કરોડ રૂપિયા કરજ છે. 

મહત્વનું છે કે યુવી ક્રિએશન જલ્દી જ પોતાની ફિલ્મ રાધે શ્યામને લઇને સિલ્વર સ્ક્રિન પર પહોંચવાની છે. આ ફિલ્મમાં પ્રભાસ અને એક્ટ્રેસ પૂજા હેગડે લીડ રોલમાં છે. આ ફિલ્મનું મોટા ભાગનુ શૂટિંગ યુરોપની સુંદર જગ્યાઓએ થયુ છે. આ ફિલ્મથી પ્રોડ્યુસર્સને પણ ઘણી આશા છે. આ ફિલ્મ 30 જુલાઇના રોજ થિયેટરમાં રિલીઝ થવાની છે અને આ એક રોમેન્ટિક ફિલ્મ છે. જેમાં પ્રભાસ લવર બોયના રોલમાં જોવા મળશે. આ ફિલ્મનું નિર્દેશન રાધા કૃષ્ણ કુમારે કર્યું છે.