PPFમાં રોકાણ કરતા પહેલા તમારે ભૂતકાળમાં થયેલા ફેરફારો વીશે જરૂર જાણી લેવું જોઈએ. સરકાર દ્વારા સમયાંતરે આ ફેરફારો કરવામાં આવે છે. ચાલો જાણીએ આવા 5 ફેરફારો, જે સરકાર દ્વારા કરવામાં આવ્યા હતા.
PPFમાં રોકાણ કરતા પહેલા જાણી લો
સમયાંતરે સરકાર કરતી રહે છે ફેરફાર
આ 5 મોટા ફેરફાર તમારે જાણવા જરૂરી
જો તમે પણ PPFમાં રોકાણ કરો છો તો આ સમાચાર તમારા કામના છે. આ વખતે PPF ખાતામાં કોઈપણ પ્રકારનું રોકાણ કરતા પહેલા તમારા માટે આ નિયમોને જાણવું જરૂરી છે. સરકાર દ્વારા સમયાંતરે નાની બચત યોજનાઓના નિયમોમાં ફેરફાર કરવામાં આવે છે. આવી સ્થિતિમાં તમારા માટે આ ફેરફારો વિશે જાણવું મહત્વપૂર્ણ છે.
ઘણી વખત થાય છે મોટા ફેરફાર
સરકાર દ્વારા કરવામાં આવેલા આ ફેરફારો ક્યારેક નાના અને ક્યારેક મોટા હોય છે. હમણાં અમે તમને સુકન્યા સમૃદ્ધિ યોજના (SSY) માં કરવામાં આવેલા ફેરફારો વિશે જાણ કરી હતી. એ જ રીતે સરકારે PPFના કેટલાક નિયમોમાં પણ ફેરફાર કર્યા છે. અહીં અમે તમને PPF સંબંધિત 5 ફેરફારો વિશે જણાવીશું.
PPF પર લોન લેવાના નિયમ
જો તમે PPF ખાતા સામે લોન લેવા માંગો છો, તો અરજીની તારીખના બે વર્ષ પહેલાં, તમે ખાતામાં PPF બેલેન્સના 25 ટકા પર જ લોન લઈ શકો છો. તેને સરળ ભાષામાં સમજીએ તો તમે લોન માટે 31મી માર્ચ 2022ના રોજ અરજી કરી હતી. આના બે વર્ષ પહેલા (31 માર્ચ, 2020) જો PPF ખાતામાં 1 લાખ રૂપિયા હતા, તો તમે તેના 25 ટકા એટલે કે 25 હજારની લોન મેળવી શકો છો.
વ્યાજદરમાં ઘટાડો
જો તમે PPF ખાતામાં બેલેન્સ પર લોન લો છો. તો વ્યાજ દર 2 ટકાથી ઘટાડીને 1 ટકા કરવામાં આવ્યો છે. લોનની મૂળ રકમ ચૂકવ્યા પછી, તમારે બે કરતાં વધુ હપ્તાઓમાં વ્યાજ ચૂકવવું પડશે. દર મહિનાની પહેલી તારીખથી વ્યાજની ગણતરી કરવામાં આવે છે.
PPF ખાતું 15 વર્ષ પછી પણ ચાલુ રહેશે
જો તમે 15 વર્ષ સુધી રોકાણ કર્યા બાદ ઈન્વેસ્ટ કરવા તૈયાર નથી. તો તમે આ સમય મર્યાદા પછી રોકાણ કર્યા વિના તમારું PPF એકાઉન્ટ ચાલુ રાખી શકો છો. 15 વર્ષ પછી પૈસા જમા કરાવવા માટે તમારા પર કોઈ દબાણ હોતુ નથી. પાકતી મુદત પછી, જો તમે PPF ખાતાને લંબાવવાનું પસંદ કરી રહ્યા છો, તો તમે નાણાકીય વર્ષમાં માત્ર એક જ વાર પૈસા ઉપાડી શકો છો.
ખાતું ખોલવા માટે આ ફોર્મ ભરવું પડશે
પીપીએફ ખાતું ખોલવા માટે હવે ફોર્મ-A(Form-A)ને બદલે ફોર્મ-1 (Form-1)સબમિટ કરવું પડશે. 15 વર્ષ બાદ પીપીએફ ખાતાના વિસ્તાર માટ મેચ્યોરિટીથી એક વર્ષ પહેલા ફોર્મ એચની જગ્યા પર ફોર્મ-4માં અરજી કરવાની હોય છે.
મહિનામાં એકવાર જમા કરી શકાશે રકમ
PPF ખાતામાં 50 રૂપિયાના મલ્ટીપલમાં રોકાણ કરવું જરૂરી છે. આ રકમ વાર્ષિક ઓછામાં ઓછી રૂ. 500 કે તેથી વધુ હોવી જોઈએ. પરંતુ PPF એકાઉન્ટમાં તમે આખા વર્ષમાં 1.5 લાખ રૂપિયા સુધી જમા કરી શકો છો. આના પર જ તમને ટેક્સ છૂટનો લાભ મળે છે. આ સિવાય તમે મહિનામાં માત્ર એક જ વાર PPF ખાતામાં પૈસા જમા કરાવી શકો છો.