તમારા કામનું / આ ટ્રિકથી PPFમાં જમા કરો પૈસા, બની જશો 1.5 કરોડના માલિક, જાણો કેલક્યુલેશન

• PPFમાં આ રીતે કરો રોકાણ 
• થશે વધારે ફાયદો 
• જાણો સંપૂર્ણ વિગતે 

રોકાણકારો માટે PPF પોપ્યુલર વિકલ્પોમાંથી એક છે. જેમાં તમેન સારૂ રિટર્ન મળે છે. તેમાં ટેક્સની બચત પણ થાય છે. પરંતુ આટલું પોપ્યુલર હોવા છતાં ઘણી વખત લોકો તેનો સંપૂર્ણ ફાયદો નથી ઉઠાવી શકતા. તેવામાં જો તમને એ વાતની જાણ થઈ જાય કે PPF પર વ્યાજ કઈ રીતે કેલ્યુલેટ થાય છે અને કઈ રીતે તમે વધારેમાં વધારે વ્યાજ મેળવી શકો છો તો તમારી રકમ અનેક ઘણી વધી શકે છે. 

પાછલા ધણા વર્ષથી PPF પર વ્યાજદર ઘટ્યા છે 
આજથી લગભગ ડોઢ વર્ષ પહેલા 30 માર્ટ 2020એ સરકારે નાની બચત યોજનાઓના વ્યાજદરોમાં ભારે ઘટાડો કર્યો હતો. PPF પર વ્યાજદર પણ 7.1 ટકા છે. તમને જણાવી દઈએ કે નાની બચત યોજનાઓ અને PPF પર મળતા વ્યાજનની સમીક્ષા દર ત્રણ મહિને થાય છે. આ વ્યાજદરોમાં મોંઘવારીના દર પર મોટી અસર પડે છે. 

આ રીતે બનશે 1.5 કરોડનું ફંડ 
PPF એકાઉન્ટમાં તમે એક વર્ષમાં મેક્સિમમ 1.50 લાખ રૂપિયાનું રોકાણ કરી શકો છો. માની લો તમે દર મહિને 12,500 રૂપિયા પીપીએફ એકાઉન્ટમાં રોકાણ કરો છો. 15 વર્ષમાં મેચ્યોરિટી બાદ તમે પોતાના PPF એકાઉન્ટને 5-5 વર્ષના બ્લોકમાં આગળ વધારી શકો છો. એવામાં 30 વર્ષ બાદ તમારા PPF એકાઉન્ટનું સંપૂર્ણ ફંડ 1.5 કરોડથી વધારે થઈ જશે. તેમાં તમારુ રોકાણ 45 લાખ અને વ્યાજથી ઈનકમ ઓછામાં ઓછું 1.09 કરોડ રૂપિયા થશે. 

25 વર્ષમાં શરૂ કરી શકો છો રોકાણ 
તમને જણાવી દઈએ કે આ સરકારી સ્કીમમાં જેટલું જલદી રોકાણ શરૂ કરવામાં આવશે તેનું તેટલી જ જલ્દી ફાયદો મળે છે. માની લો કે તમારી ઉંમર 25 વર્ષની છે અને તમે પીપીએફમાં વાર્ષિક 1.5 લાખ રૂપિયાનું રોકાણ કરો છે. તો 55 વર્ષની ઉંમર એટલે કે રિટાયરમેન્ટના લગભગ 5 વર્ષ પહેલા જ કરોડપતિ બની શકો છો. 

PPF પર કેઈ રીતે કેલ્યુલેટ થાય છે વ્યાજ 
PPF પર દર મહિને વ્યાજની ગણતરી થાય છે. પરંતુ તે ખાતામાં નાણાકીય વર્ષના અંતમાં ક્રેડિટ થાય છે. એટલે કે દર મહિને જે પણ વ્યાજ તમે કમાઓ છો તે 31 માર્ચે તમારા PPF ખાતામાં નાખી દેવામાં આવે છે. જોકે PPF ખાતામાં પૈસા ક્યારે જમા કરવાના છે તેની કોઈ નક્કી તારીખ નથી. તમે મહિને, ત્રણ મહિને, છ મહિને અને વર્ષે PPFમાં પૈસા જમા કરી શકો છો. 

PPF પર વધારે વ્યાજ મેળવવાની રીત
વ્યાજની ગણતરી આ રીતે કરવામાં આવે છે. PPF પર વ્યાજની ગણતરી દર મહિનાની 1 તારીખથી લઈને 5 તારીખ સુધીમાં ખાતામાં હાજર રકમ પર થાય છે. એટલે કે જો તમે કોઈ મહિનાની 5 તારીખ સુધી PPF ખાતામાં પૈસા નાખો છો તો તે પૈસા પર તેજ મહિને વ્યાજ મળી જશે. પસંતુ જો તમે 5 તારીખ બાદ વ્યાજ એટલે કે માની લો 6 તારીખના પૈસા જમા કર્યા તો જમા કરવામાં આવેલી રકમ પર વ્યાજ અલગ મહિને મળશે. 

ઉદાહરણ તરીકે 
માની લો કે તમે 5 એપ્રિલે પોતાના ખાતામાં 50,000 રૂપિયા જમા કર્યા. 31 માર્ચ સુધી તમારા ખાતામાં પહેલાથી જ 10 લાખ રૂપિયા હજર છે. 5 એપ્રિલથી લઈને 30 એપ્રિલ સુધી તમારા PPF ખાતામાં કુલ રકમ થઈ 10,50,000 રૂપિયા, જે મિનિમમ બેલેન્સ છે. તો તેના પર 7.1 ટકાના હિસાબથી માસિક વ્યાજ થયું.  (7.1%/12 X 1050000) = 6212 રૂપિયા. 

આ ટ્રિકથી જમા કરશો તો વધારે વ્યાજ મળશે
જો રોકાણની રકમ 50,000 છે. પરંતુ જમા કરવાની તારીખથી વ્યાજમાં ફરક આવે છે. એવામાં જો તમે PPF માં પોતાના પૈસા પર વધારે વ્યાજ ઈચ્છો છો તો આ ટ્રિકને ધ્યાનમાં રાખો અને મહિનાની 5 તારીખ સુધી પૈસા જમા કરી દો. જેથી તમને આ મહિનાના વ્યાજ પર જરૂર મળે. એક્સપર્ટ એપણ સલાહ આપી રહ્યા છે કે PPF પર 1.5 લાખના રોકાણ પર ટેક્સ છૂટ મળે છે. માટે જો તમે આ ટેક્સ છૂટ લેવા માંગો છો તો 1.5 લાખની સંપૂર્ણ રકમ નવા નાણાકીય વર્ષ શરૂ થતા જ 1 એપ્રિલથી 5 એપ્રિલની વચ્ચે જ જમા કરી શકશો. જો તમે આમ ન કરી શકો તો તમે દર મહિનાના 5 તારીખ સુધી પૈસા જમા કરી દો.