આતંક / BIG BREAKING : પાકિસ્તાનના પેશાવરની પોલીસ લાઈન મસ્જિદમાં આત્મઘાતી હુમલો, 28થી વધુના મોત, 150 ઘાયલ

• પાકિસ્તાનના પેશાવરની મસ્જિદ બની લોહિલુહાણ
• આત્મઘાતી વિસ્ફોટ થતા બીછી ગઈ લાશ જ લાશ 
• ઓછામાં ઓછા 28 લોકોના મોત, 150થી વધુ ઘાયલ
• પાવરફૂલ બ્લાસ્ટમાં છત તૂટી પડી, ઘણા લોકો તેમાં દટાયા

પાકિસ્તાનના પેશાવરની એક મસ્જિદ આતંકીઓના નિશાન પર આવી છે. સોમવારે પેશાવરની પોલીસ લાઈન મસ્જિદમાં એક આતંકીએ તેની જાતને વિસ્ફોટકથી ઉડાવી મૂકી હતી, જેમાં જોરદાર બ્લાસ્ટ થતા નમાઝ પઢી રહેલા 28 લોકોના ફૂરચેફુરચા ઉડી ગયા તથા ઘણા ઘાયલ થયા છે. મૃતકોની સંખ્યા હજુ વધી શકે છે.

#UPDATE | At least 28 people were killed and 150 were injured at a blast inside a mosque that shook Peshawar’s Police Lines area, reports Pakistan's Dawn News citing Officials

— ANI (@ANI) January 30, 2023

Powerful suicide blast at Peshawar mosque kills 17: Pakistani media reports

— Press Trust of India (@PTI_News) January 30, 2023

મસ્જિદની છત ધરાશાયી થતા ઘણા દટાયાં 
રિપોર્ટ અનુસાર બોમ્બ બ્લાસ્ટના કારણે મસ્જિદની છત ધરાશાયી થઇ ગઇ છે. જણાવવામાં આવી રહ્યું છે કે નમાઝ દરમિયાન હુમલાખોરે પોતાને ઉડાવી દીધો હતો. મૃ઼તકોમાં પોલીસકર્મીઓ પણ સામેલ છે. 150થી વધુ લોકો ઘાયલ થયા છે. ઘણા લોકોની હાલત ગંભીર હોવાનું કહેવાય છે. કાટમાળ નીચે ઘણા લોકો ફસાયા હોવાની આશંકા છે. બ્લાસ્ટ બાદ આ વિસ્તારમાં ઈમરજન્સી લાગુ કરી દેવામાં આવી છે. હાલ પાકિસ્તાની સેનાએ આ વિસ્તારને ઘેરી લીધો છે. જણાવવામાં આવી રહ્યું છે કે, જ્યાં બ્લાસ્ટ થયો હતો તેની નજીક આર્મી યુનિટની ઓફિસ પણ છે.

આગળની હરોળમાં નમાઝ પઢી રહેલા શખ્સે પોતાની જાતને ઉડાવી મૂકી 
મીડિયા રિપોર્ટ્સ અનુસાર પેશાવરની મસ્જિદમાં વિસ્ફોટનો અવાજ 2 કિમી દૂર સુધી સંભળાયો હતો. પેશાવર પોલીસ લાઇન્સમાં હાજર લોકોએ જણાવ્યું કે વિસ્ફોટ બાદ આકાશમાં ધૂળ અને ધુમાડાના વાદળ છવાયા હતા. સુરક્ષા અધિકારીઓના જણાવ્યા અનુસાર મસ્જિદમાં નમાજ દરમિયાન આ આત્મઘાતી હુમલાખોર આગળની હરોળમાં હાજર હતો અને પછી તેણે પોતાની જાતને ઉડાવી દીધી હતી.

પેશાવરમાં મેડિકલ ઈમરજન્સી, ઈસ્લામાબાદમાં હાઈએલર્ટ 
મસ્જિદ બાદ તંત્ર દ્વારા પેશાવર શહેરમાં મેડિકલ ઈમરજન્સી જાહેર કરી દેવાઈ. હાલમાં શહેરમાં અફરાતફરીનો માહોલ છે, ચારે બાજુ અંધાધૂંધી ભર્યો માહોલ છે. તો બીજી તરફ રાજધાની ઈસ્લામાબાદમાં પણ હાઈ એલર્ટ જાહેર કરી દેવાયું છે. 

પેશાવરમાં અનેક વાર થઈ ચૂક્યા છે વિસ્ફોટ
ઉલ્લેખનીય છે કે પેશાવરમાં આ કંઈ પહેલી વાર બોંબ વિસ્ફોટ થયો નથી. આ પહેલા આતંકીઓે તેને અનેક વાર નિશાન બનાવ્યું હતું.