આફત / ચીન બાદ જોરદાર ભૂકંપથી ધ્રુજી ઉઠયું જાપાન, સુનામીની ચેતવણી

ઉલ્લેખનીય છે કે, હવામાન ખાતાના અધિકારીઓએ વધુમાં કહ્યું હતું કે, ભૂકંપની તીવ્રતા રિક્ટર સ્કેલ પર 6.8 નોંધવામાં આવી છે, જેનું કેન્દ્ર બિંદુ યમાગાતા છે. આ વિસ્તાર શહેરથી 50 કિલોમીટર દુર દક્ષિણ પશ્ચિમ દિશામાં આવેલ છે. 

રિપોર્ટ મુજબ ભૂકંપનું કેન્દ્ર જમીનથી 10 કિલોમીટર નોંધાયું છે. તો આ સાથે જ સ્થાનિક એજન્સીઓએ ઉત્તર પશ્ચિમ સમુદ્ર તટ યમાગાટા, નિગાટા તથા ઇશીકાવામાં 1 મીટર ઉંચે સુનામીની ચેતવણી આપી છે. 

Earthquake of magnitude 6.5 occurred near West Coast of Honshu in Japan today at 18:52 IST

— ANI (@ANI) June 18, 2019

ચીનમાં આજે સવારે આવ્યો હતો ભૂકંપ
ચીનનો દક્ષિણ-પશ્ચિમ સિચુઆન પ્રાંત સોમવારે ભૂકંપના સતત ઝટકાઓથી હચમચી ગયો હતો. અહેવાલો અનુસાર સિચુઆન પ્રાંતમાં એક પછી એક ભૂકંપના પાંચ ઝટકા અનુભવવામાં આવ્યા હતા, તેમાંથી એકની તીવ્રતા રિક્ટર સ્કેલ પર ૬.૦ની હતી.

પ્રારંભિક અહેવાલોમાં આ ભૂકંપથી ૧૧ લોકોનાં મોત થયાં હોવાના સમાચાર મળી રહ્યા છે, જ્યારે ૧રર લોકોને ગંભીર ઈજાઓ થઈ છે. ચીન ભૂકંપ નેટવર્ક કેન્દ્રના જણાવ્યા પ્રમાણે ભૂકંપનું કેન્દ્ર યિબીન શહેરની બહારના વિસ્તારમાં ૧૬ કિલોમીટરની ઊંડાઈએ સ્થિત હતું.

ભૂકંપના ઝટકા રાતના લગભગ ૧૧.૦૦ વાગ્યાની આસપાસ આવ્યા હતા. પહેલો ઝટકો ખૂબ તીવ્ર હતો અને ત્યારબાદ ૪૦ મિનિટ સુધી હળવા ઝટકા આવતા રહ્યા હતા. ભૂકંપના કેન્દ્રની નજીક આવેલી એક હોટલ સંપૂર્ણ રીતે તબાહ થઈ ગઈ છે. અધિકારીઓના જણાવ્યા પ્રમાણે સિચુઆન પ્રાંતમાં કેટલાંક ઘર પણ ધરાશાયી થઈ ગયાં છે અને હાલ તંત્ર પાસે નુકસાનનો કોઈ અંદાજ નથી.