પૂછ્યા વગર ગામમાં ઘૂસ્યા તો ગાડી પાછી નહીં જવા દઇએ: ચૈતર વસાવા
નર્મદાના ડેડિયાપાડાથી AAPના ધારાસભ્ય ચૈતર વસાવાનો હુંકાર સામે આવ્યો છે અને જેમણે મત વિસ્તારમાં વીજળીની સમસ્યાને લઇને વીજ કચેરીએ પહોંચ્યા હતા અને મોરચો માંડ્યો હતો. વીજકર્મીઓની ઢીલી નીતિને લઈ પણ તેમણે સવાલો ઉઠાવ્યા હતાં.
પૂછ્યા વગર ગામમાં ઘૂસ્યા તો ગાડી પાછી નહીં જવા દઇએ: ચૈતર વસાવા
નર્મદા જિલ્લાની ડેડિયાપાડા બેઠકથી આમ આદમી પાર્ટીના ધારાસભ્ય ચૈતર વસાવા એક્શન મોડમાં જોવા મળ્યા છે. પોતાના મતવિસ્તારમાં વીજળીની સમસ્યા મુદ્દે ચૈતર વસાવા વીજ કચેરીએ પહોંચ્યા હતા, જ્યાં લોકોની હાજરીમાં ધારાસભ્યનો 'પાવર' બતાવ્યો હતો.
ચૈતર વસાવાએ આદિવાસી વિસ્તાર માટે મળતી ગ્રાન્ટથી લઈને વીજકર્મચારીઓનાં કામ અંગે ઢીલી નીતિમુદ્દે સવાલો કર્યા હતા. તેમણે ધમકીના સ્વરમાં કહ્યું, 'વિજિલન્સવાળા ગામમાં પાંચથી છ વાગ્યે ચેકિંગ માટે ઘૂસે છે. જો પૂછ્યા વગર ગામમાં ઘૂસ્યા તો ગાડી પાછી નહીં નીકળવા દઈએ.
વીજકર્મીઓની ઢીલી કામગીરીને લઇને કર્યા સવાલો
તેમણે કહ્યું કે, તમારી પાસે ચેકિંગ માટે ગાડીઓ છે સ્ટાફ છે, પરંતુ વીજ કનેક્શન આપવાની વાત આવે તો કહો છો સ્ટાફ જ નથી. માત્ર 20 ફૂટ સર્વિસ વાયર માટે ધક્કા ખાતા એક વૃદ્ધની સમસ્યા સાંભળીને પણ ચૈતર વસાવા રોષે ભરાયા હતા.